Viðskipti innlent

Ráðin nýir fram­kvæmda­stjórar hjá Lands­bankanum

Atli Ísleifsson skrifar
Bergsteinn Ó. Einarsson og Sara Pálsdóttir.
Bergsteinn Ó. Einarsson og Sara Pálsdóttir. Landsbankinn

Bergsteinn Ó. Einarsson hefur verið ráðinn framkvæmdastjóri Áhættustýringar hjá Landsbankanum og Sara Pálsdóttir hefur verið ráðin framkvæmdastjóri Samfélags, sem er nýtt svið hjá bankanum, en undir það heyra mannauðsmál, markaðsmál, fræðsla, samskipti, samfélagsábyrgð og Hagfræðideild.

Þetta kemur fram í tilkynningu frá Landsbankanum. 

Þar segir að Sara sé með meistaragráðu í alþjóðaviðskiptum frá Háskólanum á Bifröst og með B.Sc.-gráðu í viðskiptafræði, með áherslu á markaðsmál og ferðaþjónustu, frá Háskólanum á Akureyri. 

„Sara hefur starfað hjá Eimskip frá árinu 2011, síðast sem forstöðumaður innflutningsdeildar. Áður vann hún m.a. hjá Reckitt Benckiser Healthcare í Bretlandi þar sem hún var sérfræðingur í markaðsgreiningu og hún vann hjá Landsbankanum, að hluta til með námi, á árunum 2004-2008.“

Um Bergstein segir að hann sé með B.Sc.-próf í stærðfræði frá Háskóla Íslands og hafi fimmtán ára starfsreynslu við áhættustýringu. „Hann hefur verið forstöðumaður hjá bankanum frá árinu 2012, verið staðgengill framkvæmdastjóra Áhættustýringar undanfarin ár og hefur gegnt starfi framkvæmdastjóra frá því í vor. Bergsteinn hóf störf sem sérfræðingur í áhættustýringu hjá Landsbankanum árið 2008 og hafði áður starfað við áhættustýringu hjá Kaupþingi á árunum 2005 til 2006.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
SYN
1,77
10
179.660
REITIR
0,62
22
282.936
SJOVA
0,51
7
3.720
HAGA
0
7
31.270
FESTI
0
8
204.526

Mesta lækkun dagsins


Félag
Br.%
Fjöldi
Velta*
BRIM
-2,67
14
112.620
KVIKA
-1,85
40
293.558
ICESEA
-1,82
8
56.406
ICEAIR
-1,73
84
122.105
EIK
-1,6
7
50.703
Velkomin á Vísi. Þessi vefur notar vafrakökur. Sjá nánar.