Mercedes-Benz EQE frumsýndur í München

Kristinn Ásgeir Gylfason skrifar 12. september 2021 07:01

Mercedes-Benz EQE verður frumsýndur á bílasýningunni í München sem nú er hafin. EQE verður fyrsti stóri alrafdrifni fólksbílinn frá þýskum bílaframleiðanda og er hans beðið með mikilli eftirvæntingu eins og gefur að skilja enda hefur forverinn Mercedes-Benz E-Class verið mjög vinsæll sem lúxusbíll í gegnum árin. Nýr EQE mun koma á markað á næsta ári.

Meðfylgjandi er fréttatilkynning frá Öskju.

Nýr EQE líkist mjög hinum stóra lúxusbíl EQS, sem frumsýndur var fyrr í sumar og er ekki leiðum að líkjast. EQE er eins og EQS fagurlega hannaður að innan sem utan og búinn miklum lúxus og þægindum í anda Mercedes-Benz. EQE er einnig hátæknivæddur bíll með allt það nýjasta í afþreyingu, akstursstoðkerfum og öryggisbúnaði frá þýska lúxusbílaframleiðandanum. MBUX upplýsinga- og afþreyingarkerfi Mercedes-Benz staðalbúnaður í EQE. Í innanrýminu er 12,8 tommu OLED skjá og Hyperscreen, skjár sem teygir sig alla breidd mælaborðsins, er fáanlegur sem aukabúnaður.

Nýr EQE 350 er útbúinn 90 kWst rafhlöðu og drægni bílsins er allt að 660 km samkvæmt WLTP staðal. EQE verður í boði með afturhjóladrifi og fjórhjóladrifi. EQE er aflmikill bíll og rafhlaðan skilar bílnum 250 hestöflum og 530 Nm í togi. EQE er væntanlegur síðar í 600 hestafla AMG ofurútgáfu. EQE er smíðaður á tveimur stöðum í heiminum, í verksmiðju Mercedes-Benz í Bremen í Þýskalandi og Bejing í Kína fyrir Asíumarkað. EQE verður kynntur hér á landi hjá Bílaumboðinu Öskju næsta vor og fjórhjóladrifsútgáfa bílsins verður væntanleg næsta haust.

EQE er 4.994 mm á lengd, 1.961 mm á breidd, 1.521 mm á hæð og hann er með 3.122 mm hjólhaf sem er sérlega langt. Farangursrými EQE er 430 lítrar.

Fleiri bílar frá Mercedes-Benz verða afhjúpaðir á bílasýningunni í München, eins og EQS 53 AMG, Mercedes-Maybach EQS SUV Concept og síðast en ekki síst Concept EQG, rafvædda útgáfan af hinum magnaða G-Class sem enn er á hugmyndastigi. Þá verður Evrópuútgáfa af EQB frumsýnd, en þar er um að ræða glæsilegan, rafdrifinn, 7 manna fjölskyldujeppling.

Vistvænir bílar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.