Innlent

25 greindust innan­lands

Atli Ísleifsson skrifar
Alls hafa rúmlega 11 þúsund manns greinst með kórómuveiruna innanlands frá upphafi faraldursins.
Alls hafa rúmlega 11 þúsund manns greinst með kórómuveiruna innanlands frá upphafi faraldursins. Vísir/Vilhelm

Alls greindust 25 með kórónuveiruna innanlands í gær. Þrettán þeirra sem greindust innanlands í gær voru í sóttkví við greiningu, eða 52 prósent. Tólf voru utan sóttkvíar, eða 48 prósent.

Þetta kemur fram í uppfærðum tölum á vefnum covid.is.

Alls eru nú 507 í einangrun, en voru 524 í gær. 920 eru nú í sóttkví, en voru 897 í gær. 529 eru nú í skimunarsóttkví.

Sex eru nú á sjúkrahúsi vegna Covid-19, en voru sjö í gær. Tveir eru á gjörgæslu, en var einn í gær.

Tólf þeirra sem greindust innanlands í gær eru fullbólusettir, tólf eru óbólusettir og er bólusetning hafin hjá einum.

Einn greindist á landamærum í gær og var sá með virkt smit í fyrri landamæraskimun.

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 179,2, en var 190,1 í gær. Nýgengi á smiti á landamærum er nú 7,6, en var 8,5 í gær.

Alls hafa 11.199 manns greinst með kórónuveiruna hér á landi frá því faraldurinn hófst í lok febrúar á síðasta ári. Þá hafa 33 andlát verið rakin til Covid-19 hér á landi frá upphafi faraldursins.

Tekin voru 1354 einkennasýni í gær, 537 sýni á landsmærum og þá greindust 643 í svokallaðri sóttkvíar- og handahófsskimun.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.