Veiði

Ytri Rangá ennþá aflahæst í sumar

Karl Lúðvíksson skrifar
Þetta sumar fer klárlega ekki í neinar metbækur
Þetta sumar fer klárlega ekki í neinar metbækur

Nýjar veiðitölur Landssambands Veiðifélaga voru birtar í gær og Ytri Rangá situr ennþá á toppnum á þeim lista.

Listinn hefur í megindráttum lítið breyst en Ytri Rangá er þar aflahæst með 2.822 laxa og Eystri þar skammt á eftir með 2.598 laxa. Miðfjarðará situr svo í þriðja sæti með 1.428 laxa. Aðeins fimm laxveiðiár eru komnar yfir 1.000 laxa og heldur ólíklegt er að sú sjötta bætist við en það yrði þá Haffjarðará en heildarveiðin í henni er komin í 839 laxa.

Vikuveiðin í Ytri Rangá var 266 laxar, í Eystri var hún 166 laxar og í Miðfjarðará var hún 90 laxar. Veiðitölur eru farnar að detta skarpt niður eins og oft gerist á haustin en ekki alltaf. Haustið er oft tíminn sem laxinn og þá sérstaklega hængarnir fara að taka nokkuð vel en laxleysi í ánum setur auðvitað strik í reikninginn. Nokkur dæmi eru um að holl í ánum á vesturlandi sem hafa yfirleitt á venjulegu síðsumri verið með 30-40 laxa séu rétt að slefa yfir 10 laxa í holli. Þetta er nokkuð heilt yfir línuna og sýnir svart á hvítu að þrátt fyrir frábært vatn í ánum á þessum tíma og topp skilyrði í veðri er bara ekki nóg af laxi til að lyfta tölunum upp.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.