Veiði

Elliðaárnar opna á morgun

Karl Lúðvíksson skrifar
Veiði hefst í Elliðaánum á morgun
Veiði hefst í Elliðaánum á morgun Mynd: KL

Formleg opnun Elliðaánna er í fyrramálið og að venju verður það Reykvíkingur ársins sem rennir fyrstur í ánna.

Það verður þó ekki hans heiður að landa fyrsta laxinum úr ánni í sumar því hann veiddist fyrr í þessum mánuði ef veiðimanni sem var að veiða efst í ánni við Höfuðhyl. Sá var í sakleysi sínu að kasta fyrir urriða þegar lax tók fluguna hjá honum og eftir að sérfræðingar Elliðaánna höfðu skoðað mynd af téðum laxi fram og til baka var allur vafi tekinn af því að þarna var ekki hoplax heldur lax sem hafði gengið óvenjusnemma í ánna.

Ánægjan af því að vera fyrstur á hinum formlega opnunardegi verður líklega ekkert minni þrátt fyrir þetta. Göngur í ánna hafa verið nokkuð snemma á ferðinni og lax er nú farinn að sjást á nokkrum helstu veiðistöðunum í ánni. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.