Eitt stig af níu mögulegum eftir 4-0 tap í þriðja heimaleiknum í glugganum: Myndir

Íslenska karlalandsliðið náði þar með í færri stig í fyrstu þremur heimaleikjum sínum en í fyrstu þremur útileikjunum í þessari undankeppni HM 2022 í Katar.

Íslenska liðið fékk þrjú stig í fyrstu þremur leikjunum í mars en eina stigið í þessum glugga kom í jafntefli á móti Norður Makedóníu þar sem strákarnir björguðu andlitinu með góðum endaspretti.

Það var svo sem ekki von á mörgum stigum í kvöld á móti sterku þýsku liði sem hefur fundið taktinn á ný eftir að Hansi Flick tók við þjálfun þess.

Íslensku strákarnir náðu nokkrum sinnum að skapa hættu en voru líka heppnir að fá ekki á sig fleiri mörk í þessum leik.

Hulda Margrét Óladóttir, ljósmyndari Vísis, var í Laugardalnum í kvöld og náði þessum flottu myndum hér fyrir neðan.