Bílar

Volkswagen staðfestir hraðskreiðan rafhlaðbak

Kristinn Ásgeir Gylfason skrifar
ID.X og Ralf Brandstätter.
ID.X og Ralf Brandstätter.

Ralf Brandstätter, yfirmaður Volkswagen hefur staðfest að fyrirtækið hyggist framleiða ID.X sem er hraðskreiður rafhlaðbakur, væntanlegur á markað á næsta ári. Hann verður um 329 hestöfl.

Bíllinn verður fjórhjóladrifinn og mun vera með Drift stillingu. Þá mun hann vera um 5,3 sekúndur úr kyrrstöðu upp í 100km/klst.

Brandstätter hafði þegar sýnt frá bílnum á LinkedIn síðu sinni, en þá undir þeim formerkjum að ekki stæði til að selja bílinn. Nú hefur tónninn breyst og bíllinn væntanlegur á markað.

Innra rými í ID.X. Myndin er ekki til í miklum gæðum.

ID.X verður byggður á grunni ID.3 hlaðbaksins sem var fyrsti bíllinn í ID línu Volkswagen. Síðan þá hefur ID.4 einnig verið kynntur til sögunnar. Fleiri bílar eru væntanlegir á næstunni.

Brandstätter hefur sagt að aukið afl leiði af sér minni drægni en hann hefur einnig talað um að margar stærðir rafhlaða verði fáanlegar. Volkswagen ætlar að framleiða R-útgáfu af ID.3 sem er auðkenning sem Volkswagen notar á sportlegustu útgáfur bíla sinna. Sá bíll er þó ekki væntanlegur fyrr en árið 2024.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.