Viðskipti innlent

Kveður Landsbankann eftir ellefu viðburðarík ár

Eiður Þór Árnason skrifar
Hrefna Ösp Sigfinnsdóttir stýrði enduruppbyggingu eignastýringar Landsbankans. 
Hrefna Ösp Sigfinnsdóttir stýrði enduruppbyggingu eignastýringar Landsbankans.  Landsbankinn

Hrefna Ösp Sigfinnsdóttir, framkvæmdastjóri eignastýringar og miðlunar hjá Landsbankanum, hefur sagt starfi sínu lausu.

Hrefna hefur þegar látið af störfum en hún gegndi starfinu frá árinu 2010. Þetta kemur fram í tilkynningu frá Landsbankanum.

„Ég kveð nú Landsbankann með stolti eftir ellefu ánægjuleg og viðburðarík ár. Hér hef ég öðlast mikla reynslu og fengið tækifæri til að vinna með einstaklega öflugu fólki að krefjandi verkefnum,“ segir Hrefna Ösp Sigfinnsdóttir.

Lilja Björk Einarsdóttir, bankastjóri Landsbankans, segir að Hrefna Ösp hafi stýrt enduruppbyggingu eignastýringar hans og stutt við uppbyggingu Landsbréfa.

„Hrefna Ösp hefur verið brautryðjandi á Íslandi í sjálfbærni og ábyrgum fjárfestingum. Hún var drifkrafturinn í stofnun IcelandSIF og hreif markaðinn með sér í nýrri hugsun. Hrefna Ösp er kraftmikill stjórnandi sem hefur náð miklum árangri og verið framúrskarandi liðsmaður í framkvæmdastjórn Landsbankans,“ er haft eftir Lilju í tilkynningu.

Íslenskir bankar Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið