Þrefalt toppsæti hjá Volvo vörubílum frá Velti

Kristinn Ásgeir Gylfason skrifar 6. september 2021 07:00

Volvo vörubílar eru þeir vinsælustu á Íslandi árið 2021 og hefur salan aukist meira en 240% það sem af er ári og trónir Volvo í þremur toppsætum á árinu. Volvo vörubílar eru mest seldir á heildarmarkaði vörubíla, mest seldir í flokki vörubíla yfir 16 tonn og Volvo FH16 er mest selda einstaka gerðin.

Meðfylgjandi er fréttatilkynning frá Velti.

Heildarmarkaður vörubíla er 92 bílar miðað við 62 bíla á sama tíma í fyrra. Markaðurinn er því að vaxa ríflega 48% en sala Volvo vörubíla vex mun meira og því eykst hlutdeild Volvo umtalsvert.

Uppitími skiptir eigendur Volvo vörubíla mestu máli

Ástæðan fyrir framúrskarandi árangri Volvo vörubíla er samspil frábærrar aðstöðu í vel tækjum búinni þjónustumiðstöð Veltis á Hádegismóum 8, einstaklega gott aðgengi fyrir stóra bíla, gæðavörumerki sem er frábært í endursölu og einstök samvinna starfsmanna allra deilda Veltis til að tryggja framúrskarandi þjónustu með allt á einum stað. Starfsmenn og stjórnendur Veltis vita að uppitími atvinnubíla og atvinnutækja er lykilatriði fyrir rekstraraðila og allt starf Veltis hverfist um að tryggja háan uppitíma. Tryggja að atvinnubíllinn og atvinnutækið sé stöðugt í vinnu að afla tekna.

Uppitími ræðst af fjölmörgum þáttum t.d. gæðum bíla og tækja, fáanleika varahluta, verkstæðisaðstöðu og tækjabúnaðar verkstæðis, reynslu og þjálfun starfsmanna, góðri verkstýringu á verkstæði, stuðningi birgja í tæknimálum og hnökralausum ferlum sem studdir eru af öflugu upplýsingatæknikerfi ásamt reynslumiklu og vel þjálfuðu, lausnamiðuðu teymi starfsmanna. Veltisteymið hefur unnið sleitulaust undanfarin þrjú ár að tryggja sífellt betri uppitíma og mun halda því áfram af enn meiri metnaði.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.