Viðskipti innlent

Ráðinn fram­kvæmda­stjóri Lands­sam­bands veiði­fé­laga

Atli Ísleifsson skrifar
Gunnar Örn Petersen.
Gunnar Örn Petersen. Landssamband veiðifélaga

Gunnar Örn Petersen hefur verið ráðinn framkvæmdastjóri Landssambands veiðifélaga. Hann tekur við starfinu af Elíasi Blöndal Guðjónssyni.

Í tilkynningu frá sambandinu segir að Gunnar Örn þekki vel til í veiðiheiminum en hann hafi stundað veiðileiðsögn í rúma tvo áratugi og var á árunum 2016 til 2020 meðeigandi að veiðifyrirtækinu Fish Partner. 

„Gunnar er lögfræðingur og hefur unnið hjá BBA lögmannsstofu og Kviku banka. Þá stofnaði Gunnar, ásamt öðrum, Íslensku fluguveiðisýninguna en markmið hennar er að standa vörð um íslenska náttúru og dýralíf með áherslu á vernd og uppbyggingu villtra ferskvatnsstofna.

Um leið og Elíasi er þakkað fyrir störf sín í þágu sambandsins er nýr framkvæmdastjóri boðinn velkominn.“

Vistaskipti Stangveiði


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið