Veiði

Varmá að koma sterk inn með hækkandi vatni

Karl Lúðvíksson skrifar
Flottur birtingur úr Varmá
Flottur birtingur úr Varmá

Varmá er eins og veiðimenn þekkja oft mjög góð á vorin og er af þeim sökum oftast mest sótt á þeim tíma.

Það vill þess vegna oft gleymast að haustið, þegar birtingurinn kemur aftur í árnar, er yfirleitt ekki síðri tími og eiginlega bara besti tíminn að mati Veiðivísis.

Síðustu daga hefur verið mikil rigning og hefur Varmá vaxið mikið, áin er eins og góður kakóbolli á litinn en það stoppaði ekki félagana Benedikt og Atla. Þeir settu í 14 fiska og lönduðu 8, allt fallegir sjóbirtingar sem tóku stórar straumflugur. Í þessum aðstæðum er gott að hugsa um liti sem sjást vel í lituðu vatni, flugan sem virkaði best hjá þeim var eldrauð og græn á litinn.

Núna er Varmá að sjatna og er von á veislu, það er mikið af fiski fyrir ofan Reykjafoss og það er að koma nýr fiskur að koma á hverju flóði.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.