Steingrímur og Skúli Íslandsmeistarar í torfæru

Kristinn Ásgeir Gylfason skrifar 17. ágúst 2021 07:01

Lokaumferð Íslandsmótsins í torfæru fór fram á Akureyri á laugardag. Í götubíla flokki varð Steingrímur Bjarnason á Strumpnum hlutskarpastur, hann tryggði sér einnig Íslandsmeistaratitilinn í götubílaflokki, auk þess sem hann hlaut tilþrifaverðlaun. Atli Jamil Ásgeirsson á Raptor varð efstur í sérútbúna flokknum á Akureyri. Skúli Kristjánsson á Simba var þegar búinn að tryggja sér Íslandsmeistaratitilinn í flokki sérútbúinna bíla.

Götubílar

Þrír keppendur voru skráðir til leiks í flokki götubíla. Óskar Jónsson á Úlfinum varð annar á Akureyri og Jónas Karl á Þeytingi varð þriðji.

Atli Jamil á Raptor varð hlutskarpastur í flokki sérútbúinna bíla eftir góðan akstur á Akureyri á laugardag.

Sérútbúnir

Þórður Atli á Spaðanum varð annar í keppni sérútbúinna bíla á Akureyri, 226 stigum á eftir Atla Jamil. Haukur Viðar á Heklu varð í þriðja sæti, 347 stigum á eftir Atla Jamil.

Haukur Viðar á Heklu fer væna veltu, eins og torfæruökumönnum einum er lagið.

„Tímabilið gekk bara vel og bíllinn loksins farinn að virka eins og hann á að gera og þá fór þetta allt að smella, bíll og bílstjóri,“ sagði Skúli á Simba í samtali við Vísi.

„Titilinn kom með því að hafa góða aðstoðarmenn og styrktaraðila á bakvið sig og að vera stöðugur á milli keppna,“ bætti Skúli við.

Akstursíþróttir

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.