Veiði

18.184 fiskar veiðst í Veiðivötnum

Karl Lúðvíksson skrifar
Ljósm: Bryndís Magnúsdóttir
Ljósm: Bryndís Magnúsdóttir

Veiðin er farin að róast í Veiðivötnum og það styttist í að tímabilinu ljúki þar og verður þá alveg ágætu sumri lokið í vötnunum.

Heildartalan er líkleg til að fara yfir 20.000 fiska og það yrði þá nokkuð svipað og sum undanfarin ár. Sem dæmi veiddust 17.570 fiskar 2020, 20.393 fiskar árið 2019 og 20.593 fiskar árið 2018. Þetta er talan sem er veidd áður en netaveiðin bætist við en hún er allnokkur.

4.650 fiskar hafa veiðst í Snjóölduvatni sem er aflahæst vatnanna. Í öðru sæti er svo Litlisjór en þar hafa veiðst 4.162 fiskar og svo er Nýjavatn í þriðja sæti með 2.091 fiska. Í Snjóölduvatni og Nýjavatni er langmest af fisknum í þessum veiðitölum bleikja á meðan aðeins veiðist urriði í Litlasjó. Meðalþyngdin úr Litlasjó er líka ágæt eða 2.24 pund en hæst meðalþyngd úr vötnunum er í Ónefndavatni 2,52 pund en þar hafa aðeins veiðst 112 fiskar.

Það er reglulega gaman að skoða veiðitölur úr Veiðivötnum enda er haldið vel utan um að allur afli sé skráður. Þeir sem hafa gaman af því að rýna í tölur ættu að skoðam þær á www.veidivotn.is




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.