Nýtt Sportveiðiblað er komið út

Forsíðuna prýðir einn reynslumesti veiði- og leiðsögumaður landsins, Ásgeir Heiðar, en hann er í ítarlegu viðtali við Eggert Skúlason. Hann er bæði stanga- og skotveiðimaður og er að auki við það að vera einn besti leiðsögumaður landsins líklega einn af bestu veiðimönnum Íslands. Hálendið fær góða athygli þar sem Ólafur Tómas Guðbjartsson fer með okkur upp á hálendi Íslands og Rasmus Ovesen fer með okkur í óbyggðir Kanada þar sem hann er að elta upp risa geddur. 

Caddisbræður kynna fyrir lesendum vanýtta möguleika í næturveiði en m0guleikar á næturveiði á til dæmis urriða á norðurlandi þegar sól er hæst á lofti er ótrúlega spennandi. Pálmi Gunnarsson skrifar góðan pistil um þetta veiðimannslíf. Þetta og fjölmargar aðrar greinar sem prýða þetta flotta tölublað.