Engin merki um neðansjávargos

Tryggvi Páll Tryggvason og skrifa 8. ágúst 2021 00:06

Varðskipið Þór var sent til að kanna málið. Vísir/Vilhelm.

Áhöfn varðskipsins Þórs sá enga bólstra í hafinu sunnan við Reykjanes eftir að hafa farið í könnunarleiðangur þangað í kvöld.

Líkt og Vísir greindi frá í kvöld barst lögreglu og Landhelgisgæslu tilkynningu um bólstra sem sæjust stíga upp úr hafinu.

Eftir að lögregla hafði fylgt tilkynningunni á eftir þótti réttast að senda varðskipið Þór til að athuga málið, en skipið var við hefðbundið eftirlit á þessum slóðum.

Líkt og sjá má á vef Marine Traffic hefur Þór siglt í vesturátt meðfram Reykjanesi. Ásgeir Erlendsson, upplýsingafulltrúi Landhelgisgæslunnar, segir í samskiptum við fréttastofu, að áhöfnin hafi ekki orðið var við neina bólstra á svæðinu.

Samkvæmt upplýsingum frá Veðurstofunni mældist ekkert á mælum Veðurstofunnar sem benti til þess að neðansjávargos væri hafið á svæðinu.

Grindavík Eldgos og jarðhræringar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.