Veiði

Þrjár komnar yfir 1.000 laxa

Karl Lúðvíksson skrifar
Við veiðar í Eystri Rangá.
Við veiðar í Eystri Rangá. Mynd / Lax-á

Listinn yfir veiðina í laxveiðiánum er uppfærður öll miðvikudagskvöld og nú hefur staðan þar aðeins batnað.1.292 laxa

Norðurá var fyrsta áinn yfir 1.000 laxa í sumar en núna hafa Eystri Rangá og Ytri Rangá bæst í þann hóp. Eystri situr efst á listanum með 1.292 laxa eða heildarveiði upp á 428 laxa á viku sem er virkilega góð veiði og það er ekkert lát á göngum í ánna svo það má reikna með mjög góðum ágúst í ánni.

Ytri Rangá er með 344 laxa veidda á viku sem setur heildarveiðina í ánni í 1.059 laxa. Norðurá er síðan með 1.030 laxa eða vikuveiði upp á 119 laxa en það er búið að hægjast nokkuð á veiði í ánni en hún virðist samt eiga eitthvað inni til að koma henni í 1.300 - 1.400 laxa í sumar og það er bara alls ekki slæmt sumar í Norðurá.

Urriðafoss virðist vera kominn á bremsuna því aðeins voru 3 laxar þar bókaðir fyrir síðustu veiðitölur en heildarveiðin þar er engu að síður komin í 780 laxa sem er eins og alltaf flott tala á ekki stærri svæði. Heildarlistann má finna á www.angling.is




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.