Brátt verður nýja vélin komin í liti Play. Samsett
Flugfélagið Play mun taka á móti þriðju Airbus A321neo farþegaþotu sinni í næstu viku. Þessa daganna er unnið að því að klára undirbúning áður en flugvélin kemur til Íslands og reikna stjórnendur með að taka hana til notkunar snemma í ágúst.
Þetta kemur fram í færslu Birgis Jónssonar, forstjóra Play, á samfélagsmiðlinum Linkedin. Rúmur mánuður er liðinn frá jómfrúarflugi Play en félagið flaug í fyrsta sinn til Stansted-flugvallar í Lundúnum þann 24. júní.
Birgir sagði við það tilefni að til stæði að byggja rekstur félagsins upp rólega en stefnt væri að því að vaxa upp í fimmtán flugvélar á næstu fjórum árum. Flotinn samanstendur nú einungis af A321neo farþegaþotum og hyggst félagið fjölga þeim í sex næsta vor.
Jómfrúarflug flugfélagsins Play er farið í loftið og er ferðinni heitið til Lundúna. Forstjóri flugfélagsins segir tilfinningaríka stund að sjá þetta raungerast.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
