Golf

Austurríkismaður leiðir eftir fyrsta hring í Japan

Valur Páll Eiríksson skrifar
Straka átti fantagóðan hring í nótt.
Straka átti fantagóðan hring í nótt. Chris Trotman/Getty Images

Hinn austurríski Sepp Straka er í forystu eftir fyrsta hring í golfkeppni karla á Ólympíuleikunum í Japan. Fyrsti hringurinn fór fram í nótt á Kasumigaseki-vellinum í Saitama.

Straka átti hörkuhring sem hann fór á 63 höggum, átta höggum undir pari vallar. Hann 28 ára gamall og er í 161. sæti heimslistans.

Fast á hæla Austurríkismannsins sækir hinn taílenski Jazz Janewattananond sem lék einu höggi verr á hringum, á sjö undir pari. Höggi á eftir Jazz eru svo Belginn Thomas Pieters og Carlos Ortíz frá Mexíkó.

Collin Morikawa, sem vann Opna breska meistaramótið á dögunum og er í 3. sæti heimslistans, er í 20. sæti á 69 höggum, rétt eins og Norður-Írinn Rory McIlroy og heimamaðurinn Hideki Matsuyama.

Annar hringur mótsins hefst síðar í kvöld. Keppni í golfi kvenna hefst þá ekki fyrr en næsta miðvikudag, 4. ágúst.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.