Viðskipti innlent

Íslandsbanki hagnast um 5,4 milljarða króna á öðrum ársfjórðungi

Jakob Bjarnar skrifar
Birna Einarsdóttir bankastjóri Íslandsbanka lýsir yfir mikilli ánægju með afkomuna á öðrum ársfjórðungi.
Birna Einarsdóttir bankastjóri Íslandsbanka lýsir yfir mikilli ánægju með afkomuna á öðrum ársfjórðungi. Vísir/Arnar

Birna Einarsdóttir, bankastjóri lýsir yfir mikilli ánægju með rekstrarniðurstöðuna sem samsvarar 11,6% arðsemi á ársgrundvelli.

Rekstrarniðurstaðan er yfir fjárhagslegum markmiðum bankans. En þetta kemur fram í tilkynningu á heimasíðu Íslandsbanka. Þar eru tíunduð helstu atriði í afkomu annars ársfjórðungs en þar segir að um sterkan fjórðung sé að ræða:

Í punktunum kemur fram, auk þess sem áður segir, að stækkun lánasafnsins leiddi hækkun á hreinum vaxtatekjum á milli ára. „Hreinar vaxtatekjur námu 8,4 ma. kr. á 2F21 samanborið við 8,2 ma. kr. á 2F20.“

Ennfremur að þóknanir af eignastýringu, fjárfestingarbanka og verðbréfaviðskiptum sem og þóknanir vegna útlána leiddu til hækkunar hreinna þóknanatekna sem hækkuðu um 26 prósent á milli ára og voru samtals 2,9 milljarðar króna.

Hreinar fjármunatekjur námu 619 milljónum króna á öðrum ársfjórungi miðað við 181 milljóna króna tap á fyrsta ársfjórðungi en þá breytingu má einkum rekja til hækkunar á innlendum hlutabréfamarkaði.

Þá segir: „Stjórnunarkostnaður hækkaði um 10,5% á milli ára og nam samtals 6,5 ma. kr. á 2F21.“ Sú hækkun skýrist að mestu leyti af 588 milljóna einskiptiskostnaði vegna hlutafjárútboðs bankans.

Í tilkynningu er vitnað í Birnu bankastjóra sem er ánægð með rekstrarniðurstöðuna og segir að fyrri helmingur ársins hafi sannarlega verið viðburðaríkur hjá bankanum.

„Hlutabréf Íslandsbanka voru tekin til viðskipta á Aðalmarkaði Nasdaq Iceland þann 22. júní. Um var að ræða stærsta frumútboð hlutabréfa sem farið hefur fram hér á landi. Metþátttaka var í hlutafjárútboðinu og margföld umframeftirspurn og er bankinn með mesta fjölda hluthafa allra skráðra félaga á Íslandi.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×