Virði Facebook fer yfir billjón dali Samúel Karl Ólason skrifar 28. júní 2021 21:43 Facebook er fimmta félag Bandaríkjanna til að ná þessum áfanga. AP/Jeff Chiu Virði hlutabréfa fyrirtækisins Facebook er orðið meira en billjón dalir (1.000.000.000.000). Það er um 123,8 billjónir króna. Hlutabréfin tóku mikið stökk á mörkuðum vestanhafs undir kvöld eftir að dómari gerði, í bili, útaf við lögsókn Fjármálaeftirlits Bandaríkjanna og hóps ríkissaksóknara gegn Facebook fyrir meint samkeppnisbrot. Þegar markaðir lokuðu stóðu hlutabréf Facebook í 355,64 dölum og höfðu hækkað um 4,2 prósent í kjölfar úrskurðarins, samkvæmt frétt CNBC. Facebook er fimmta bandaríska fyrirtækið til að ná þessum áfanga, á eftir Apple, Microsoft, Amazon og Alphabet, móðurfyrirtæki Google. Fyrsta hlutafjárútboð Facebook fór fram árið 2012 og var virði félagsins þá 104 milljarðar dala. Frá júlí 2018 hefur virði hlutabréfa félagsins nærri því tvöfaldast. Þá höfðu hlutabréfin lækkað um 19 prósent vegna dræmra tekna og lítillar fjölgunar notenda, auk þess sem ýmis hneykslismál tengd Facebook, eins og gagnalekar og Cambridge Analytica-hneykslið svokallaða, litu dagsins ljós. Mestar tekjur Facebook eru tilkomnar vegna persónumiðaðra auglýsinga á samfélagsmiðlum fyrirtækisins. Má þar nefna miðla eins og Facebook, Messenger, Instagram og Whatsapp. Mark Zuckerberg, stofnandi og forstjóri Facebook, hefur tilefni til að vera ánægður, í bili.EPA/CHARLES PLATIAU Fá 30 daga til að girða sig í brók Ráðamenn vestanhafs hafa viljað koma böndum á stærstu tæknifyrirtæki Bandaríkjanna og hafa forsvarsmenn Facebook átt í vök að verjast vegna ásakana stjórnmálamanna og annarra um samkeppnisbrot. Dómari við alríkisdómstól í Washington D.C. opinberaði þá niðurstöðu sína í kvöld að saksóknurum hefðu ekki sýnt fram á hvernig þeir komust að þeirri niðurstöðu að markaðsstaða Facebook á samfélagsmiðlum væri meiri en sextíu prósent. Í úrskurðinum segir að málflutningur saksóknara og skilgreiningar þeirra í lögsókninni gegn Facebook séu svo óljósar að ekki sé hægt að halda málinu áfram. Í öðrum úrskurði sem birtur var samhliða sagði dómarinn að ríkissaksóknarar hefðu beðið of lengi með að höfða mál vegna kaupa Facebook á Instagram árið 2012 og WhatsApp árið 2014. Dómarinn gaf báðum hópum þó 30 daga frest til að gera breytingar á lögsóknum sínum, sem tækju mið af gagnrýni hans, samkvæmt frétt Politico. Hann skrifaði einnig að þörf væri á endurbótum á samkeppnislögum og þykir það vatn á myllu saksóknaranna. Facebook Bandaríkin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Þau vilja stýra Framkvæmdasýslunni – Ríkiseignum Viðskipti innlent Edda og Helgi bætast í hóp eigenda Expectus Viðskipti innlent Tekur við stöðu rekstrarstjóra Stöðvar 2 Viðskipti innlent Fjölbreytt vöruúrval og ein bestu verð hérlendis Samstarf Guðbjörg orðin pítsudrottning Viðskipti innlent Ritskoðaður bjór fær blessun ÁTVR Viðskipti innlent Finnur þægilegu heimatilfinninguna þegar hann lendir í Keflavík Atvinnulíf Fleiri fréttir Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Þegar markaðir lokuðu stóðu hlutabréf Facebook í 355,64 dölum og höfðu hækkað um 4,2 prósent í kjölfar úrskurðarins, samkvæmt frétt CNBC. Facebook er fimmta bandaríska fyrirtækið til að ná þessum áfanga, á eftir Apple, Microsoft, Amazon og Alphabet, móðurfyrirtæki Google. Fyrsta hlutafjárútboð Facebook fór fram árið 2012 og var virði félagsins þá 104 milljarðar dala. Frá júlí 2018 hefur virði hlutabréfa félagsins nærri því tvöfaldast. Þá höfðu hlutabréfin lækkað um 19 prósent vegna dræmra tekna og lítillar fjölgunar notenda, auk þess sem ýmis hneykslismál tengd Facebook, eins og gagnalekar og Cambridge Analytica-hneykslið svokallaða, litu dagsins ljós. Mestar tekjur Facebook eru tilkomnar vegna persónumiðaðra auglýsinga á samfélagsmiðlum fyrirtækisins. Má þar nefna miðla eins og Facebook, Messenger, Instagram og Whatsapp. Mark Zuckerberg, stofnandi og forstjóri Facebook, hefur tilefni til að vera ánægður, í bili.EPA/CHARLES PLATIAU Fá 30 daga til að girða sig í brók Ráðamenn vestanhafs hafa viljað koma böndum á stærstu tæknifyrirtæki Bandaríkjanna og hafa forsvarsmenn Facebook átt í vök að verjast vegna ásakana stjórnmálamanna og annarra um samkeppnisbrot. Dómari við alríkisdómstól í Washington D.C. opinberaði þá niðurstöðu sína í kvöld að saksóknurum hefðu ekki sýnt fram á hvernig þeir komust að þeirri niðurstöðu að markaðsstaða Facebook á samfélagsmiðlum væri meiri en sextíu prósent. Í úrskurðinum segir að málflutningur saksóknara og skilgreiningar þeirra í lögsókninni gegn Facebook séu svo óljósar að ekki sé hægt að halda málinu áfram. Í öðrum úrskurði sem birtur var samhliða sagði dómarinn að ríkissaksóknarar hefðu beðið of lengi með að höfða mál vegna kaupa Facebook á Instagram árið 2012 og WhatsApp árið 2014. Dómarinn gaf báðum hópum þó 30 daga frest til að gera breytingar á lögsóknum sínum, sem tækju mið af gagnrýni hans, samkvæmt frétt Politico. Hann skrifaði einnig að þörf væri á endurbótum á samkeppnislögum og þykir það vatn á myllu saksóknaranna.
Facebook Bandaríkin Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Tók fimm mánuði að byrja að tala íslensku Atvinnulíf Fasteignamarkaðurinn hitnar en framkvæmdum fækkar Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Þau vilja stýra Framkvæmdasýslunni – Ríkiseignum Viðskipti innlent Edda og Helgi bætast í hóp eigenda Expectus Viðskipti innlent Tekur við stöðu rekstrarstjóra Stöðvar 2 Viðskipti innlent Fjölbreytt vöruúrval og ein bestu verð hérlendis Samstarf Guðbjörg orðin pítsudrottning Viðskipti innlent Ritskoðaður bjór fær blessun ÁTVR Viðskipti innlent Finnur þægilegu heimatilfinninguna þegar hann lendir í Keflavík Atvinnulíf Fleiri fréttir Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira