Viðskipti innlent

Forsætisráðherra undirritar samning um Jafnvægisvog

Árni Sæberg skrifar
Katrín Jakobsdóttir ásamt fulltrúum Félags kvenna í atvinnulífinu eftir undirritun.
Katrín Jakobsdóttir ásamt fulltrúum Félags kvenna í atvinnulífinu eftir undirritun. Stjórnarráðið

Katrín Jakobsdóttir forsætisráðherra og Sigríður Hrund Pétursdóttir, formaður Félags kvenna í atvinnulífinu, undirrituðu í dag samstarfssamning um Jafnvægisvogina.

Forsætisráðuneytið og Félag kvenna í atvinnulífinu hafa endurnýjað samning um þróun og kynningu Jafnvægisvogarinnar.

Jafnvægisvogin er mælitæki til að hafa eftirlit með stöðu og þróun kynjajafnréttis í stjórnum og framkvæmdastjórnum íslenskra fyrirtækja. Með samningnum veitir forsætisráðuneytið Félagi kvenna í atvinnulífinu stuðning til að stuðla að auknu kynjajafnrétti í íslensku atvinnulífi. 

Samkvæmt samningnum skal Félag kvenna í atvinnulífinu meðal annars uppfæra Jafnvægisvogina reglulega, annast fræðslu um mikilvægi fjölbreytileika í stjórnum og stjórnendateymum og lyfta sérstaklega þeim fyrirtækjum sem náð hafa markmiðum verkefnisins með úthlutun viðurkenninga.

Samningurinn er til eins árs og gildir frá 24. júní 2021 til 24. júní 2022 og er framhald á stuðningi forsætisráðuneytisins við Félag kvenna í atvinnulífinu og Jafnvægisvogina. Forsætisráðuneytið greiðir FKA fimm milljónir króna til að sinna þeim verkþáttum sem samningurinn tekur til.

Jafnréttismál Ríkisstjórn Katrínar Jakobsdóttur


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið