Veiði

Fyrsti laxarnir komnnir úr Kjósinni og Eystri Rangá

Karl Lúðvíksson skrifar
Þóra Hallgrímsdóttir með fyrsta laxinn úr Kjósinni í sumar
Þóra Hallgrímsdóttir með fyrsta laxinn úr Kjósinni í sumar Mynd: Laxá í Kjós FB

Laxá í Kjós og Eystri Rangá eru meðal þeirra laxveiðiáa sem opnuðu í gær og þrátt fyrir kulda og trekk tókst að opna árnar með löxum á land.

Kuldinn og rokið gerir veiðimönnum erfitt fyrir þessa dagana og því miður virðist ekki verða nein stór breyting á veðri fyrr en í næstu viku svo þeir sem eru á leið í veiði verða bara að bíta á jaxlinn og búa sig vel. 

Opnunin á Laxá í Kjós var við heldur kuldalegar aðstæður en engu að síður komu tveir laxar á land og nokkuð sást af laxi bæði í Kvíslafossi og Laxfossi. Fyrstu laxarnir komu á land um hádegið og það kemur ekkert mörgum á óvart að þeir hafi báðiur komið úr Kvíslafossi en hann er líklega einn besti veiðistaður landsins á lax á göngutíma.

Eystri Rangá opnaði sömuleiðis í gær og við höfum frétt af tveimur löxum sem veiddust í henni en báðir á veiðistöðum sem undirritaður hefði ekki skotið á að myndu gefa lax á þessum tíma. Einn veiddist í Tóftarhyl sem með sanngirni má alveg gefa smá orð á að vera frábær veiðistaður en hann er mjög ofarlega í ánni og á það oft til að geyma laxa í júní en þetta þykir engu að síður nokkðu snemmt fyrir þennan veiðistað. Hinn veiddist í Mjóanesi sem flestir sleppa þegar þeir veiða Eystri Rangá. Það kemur á óvart að ekkert hafi veiðst í Bátsvaði, Rimahyl, Hrafnaklettum eða Hofteigsbreiðu en þetta eru svona dæmigerðir júní veiðistaðir í ánni. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.