Viðskipti innlent

Perla kveður Landsbankann

Kolbeinn Tumi Daðason skrifar
Perla Ösp.
Perla Ösp.

Perla Ösp Ásgeirsdóttir, framkvæmdastjóri Áhættustýringar Landsbankans, hefur sagt starfi sínu hjá bankanum lausu og hefur látið af störfum. Þetta kemur fram í tilkynningu til Kauphallar.

Perla hefur verið framkvæmdastjóri Áhættustýringar hjá Landsbankanum frá árinu 2010. Perla byggði upp mjög öfluga, skilvirka og trausta áhættustjórnun hjá bankanum, meðal annars með því að innleiða rauntíma upplýsingagjöf um áhættu í allri starfsemi hans.

„Það er með stolti sem ég kveð bankann eftir ellefu viðburðarík ár þar sem ég hef öðlast mikla reynslu og unnið með frábæru fólki. Stefna og stjórnun, þar með talin áhættustjórnun, er til fyrirmyndar sem gerir Landsbankann að besta banka landsins,“ segir Perla Ösp Ásgeirsdóttir.

„Perla er kraftmikill leiðtogi sem hefur leitt Áhættustýringu af framsýni og öryggi í gegnum miklar breytingar. Við höfum átt frábært samstarf, meðal annars í gegnum nýlega stefnumótun bankans og úrlausnir vegna heimsfaraldurs. Fyrir hönd starfsfólks og stjórnar bankans þakka ég Perlu kærlega fyrir mjög gott starf og óska henni velfarnaðar,“ segir Lilja Björk Einarsdóttir, bankastjóri Landsbankans.

Íslenskir bankar Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið