Innlent

Áframhaldandi suðlægar áttir í júní

Gunnar Reynir Valþórsson skrifar
Búist er við björtu veðri á norður- og austurlandi. 
Búist er við björtu veðri á norður- og austurlandi.  Vísir/Vilhelm Gunnarsson

Veðurstofan segir að á fyrstu dögum júnímánaðar sé von á áframhaldandi suðlægum áttum.

 Það þýðir að heldur þungbúið og vætusamt verður sunnan- og vestanlands, en þurrt að mestu og talsvert sólskin fyrir norðan og austan. Þar ættu hæstu hitatölurnar einnig væntanlega að sjást.

Í hugleiðingum veðurfræðings segir að á morgun komi þó allkröpp lægð „eins og skrattin úr sauðaleggnum sem fer á harðaskriði yfir Austurland með tilheyrandi rigningu um tíma á þeim slóðum.“

Þegar líður á vikuna berst síðan heldur hlýrra loft yfir landið og segir veðurfræðingur að því megi með sanni segja að sumarið byrji með ágætum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.