WFP freistar þess að afstýra hungursneyð í Jemen Heimsljós 25. maí 2021 11:27 WFP/Annabel Symington Tæplega fimmtíu þúsund íbúar Jemen búa nú þegar við aðstæður sem eru sambærilegar þeim sem skilgreindar eru sem hungursneyð. Matvælaáætlun Sameinuðu þjóðanna (WFP) hefur á síðustu dögum aukið matvælaaðstoð til fólks á svæðum í Jemen þar sem ástandið er verst í þeirri viðleitni að afstýra yfirvofandi hungursneyð. „Stigvaxandi átök, efnahagslægð, hækkandi verð á matvælum og afleiðingar COVID-19 eru allt þættir sem síðustu misserin stuðla að fjölgun þeirra sem líða alvarlegan matarskort,“ segir Laurent Bukera umdæmisstjóri WFP í Jemen. Tæplega fimmtíu þúsund íbúar Jemen búa nú þegar við aðstæður sem eru sambærilegar þeim sem skilgreindar eru sem hungursneyð. Fimm milljónir annarra íbúa eru í bráðri hættu. Barn deyr á tíu mínútna fresti af læknanlegum sjúkdómum eins og niðurgangspestum, vannæringu og sýkingum í öndunarvegi. Talið er að um helmingur allra barna yngri en fimm ára í Jemen – 2,3 milljónir barna – glími við bráða vannæringu á þessu ári. Matvælaáætlun Sameinuðu þjóðanna hefur síðustu tvo mánuði aukið matvælaaðstoð til tæplega sex milljóna íbúa Jemen á níu svæðum þar sem flestir svelta en alls styður WFP við 12,9 milljónir íbúa þessa stríðshrjáða lands. Stofnuninni eru hins vegar fjárhagsleg takmörk sett og telur óvíst að geta haldið út lífsbjargandi stuðningi út árið. Samkvæmt frétt WFP þarf stofnunin að minnsta kosti 1,9 milljarða bandarískra dala á þessu ári til að koma í veg fyrir hungursneyð í Jemen. WFP er ein af áherslustofnunum Íslands í mannúðaraðstoð. Höfuðstöðvar hennar eru í Róm en stofnunin starfar auk þess með svæða- og landaskrifstofur í 83 löndum. Auk kjarnaframlaga til WFP frá íslenskum stjórnvöldum svarar Ísland einnig neyðarköllum frá stofnuninni eftir föngum. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál. Þróunarsamvinna Jemen Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Segir upp hjá RÚV og snýr sér að pólitík Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Ók blindfullur við Grímsvötn og hótaði að drepa alla Innlent Guðrún á Glitstöðum segir vaðið yfir vilja almennings Innlent Best ef forseti hefur ekki verið í stjórnmálastarfi Innlent
Matvælaáætlun Sameinuðu þjóðanna (WFP) hefur á síðustu dögum aukið matvælaaðstoð til fólks á svæðum í Jemen þar sem ástandið er verst í þeirri viðleitni að afstýra yfirvofandi hungursneyð. „Stigvaxandi átök, efnahagslægð, hækkandi verð á matvælum og afleiðingar COVID-19 eru allt þættir sem síðustu misserin stuðla að fjölgun þeirra sem líða alvarlegan matarskort,“ segir Laurent Bukera umdæmisstjóri WFP í Jemen. Tæplega fimmtíu þúsund íbúar Jemen búa nú þegar við aðstæður sem eru sambærilegar þeim sem skilgreindar eru sem hungursneyð. Fimm milljónir annarra íbúa eru í bráðri hættu. Barn deyr á tíu mínútna fresti af læknanlegum sjúkdómum eins og niðurgangspestum, vannæringu og sýkingum í öndunarvegi. Talið er að um helmingur allra barna yngri en fimm ára í Jemen – 2,3 milljónir barna – glími við bráða vannæringu á þessu ári. Matvælaáætlun Sameinuðu þjóðanna hefur síðustu tvo mánuði aukið matvælaaðstoð til tæplega sex milljóna íbúa Jemen á níu svæðum þar sem flestir svelta en alls styður WFP við 12,9 milljónir íbúa þessa stríðshrjáða lands. Stofnuninni eru hins vegar fjárhagsleg takmörk sett og telur óvíst að geta haldið út lífsbjargandi stuðningi út árið. Samkvæmt frétt WFP þarf stofnunin að minnsta kosti 1,9 milljarða bandarískra dala á þessu ári til að koma í veg fyrir hungursneyð í Jemen. WFP er ein af áherslustofnunum Íslands í mannúðaraðstoð. Höfuðstöðvar hennar eru í Róm en stofnunin starfar auk þess með svæða- og landaskrifstofur í 83 löndum. Auk kjarnaframlaga til WFP frá íslenskum stjórnvöldum svarar Ísland einnig neyðarköllum frá stofnuninni eftir föngum. Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þessi grein er hluti af samstarfi Vísis og utanríkisráðuneytisins um miðlun frétta af þróunarsamstarfi Íslands um allan heim. Fréttin birtist fyrst í Heimsljósi, upplýsingaveitu utanríkisráðuneytisins um þróunar- og mannúðarmál.
Þróunarsamvinna Jemen Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Viktor og Kári heltast úr lestinni Innlent Halla Hrund fremst í nýrri könnun og Katrín dottin niður í þriðja sæti Innlent Segir upp hjá RÚV og snýr sér að pólitík Innlent Dramatík þegar tveimur var tilkynnt um ólögleg framboð Innlent Ástand hinnar látnu bar þess merki að henni hefði verið ráðinn bani Innlent Ætlaði að ganga frá álverinu og upp á Keflavíkurflugvöll Innlent Forsetavaktin 2024: Hver verður sjöundi forseti lýðveldisins? Innlent Ók blindfullur við Grímsvötn og hótaði að drepa alla Innlent Guðrún á Glitstöðum segir vaðið yfir vilja almennings Innlent Best ef forseti hefur ekki verið í stjórnmálastarfi Innlent