Neytendur

Play góðar fréttir fyrir neytendur: Samkeppni þrýst niður verði hingað til

Sunna Sæmundsdóttir skrifar

Formaður Neytendasamtakanna telur innreið flugfélagsins Play líklega til þess að þrýsta niður fargjöldum. Forstjóri félagsins segir miðasölu hafa farið vel af stað og að Íslendingar séu greinilega sólþyrstir.

Miðasala hófst hjá Play hófst í nótt og um leið var hulunni svipt af áfangastöðum sem alls eru sjö talsins; Alicante, Barcelona, Berlín, Kaupmannahöfn, London, París og Tenerife. Fyrsta flugferðin verður til London 24. júní. Birgir Jónsson, forstjóri segir flugáætlun malla af stað með einni vél.

„Það var fyrst flugið á flugrekstrarleyfi okkar í nótt. Það var verið að færa hana inn í skýli þar sem hún verður máluð og hún kemur til Íslands í byrjun júní,“ segir Birgir.

Tvær aðrar bætast síðan í flotann í júlí. Hann segir miðasölu hafa farið vel af stað.

Hvað er vinsælast? 

„Íslendingurinn vill fara í sólina. Það er Tenerife og Alicante. En svo eru margir ferðamenn að bóka inn til Íslands.“

Birgir Jónsson forstjóri PlayFoto: Vilhelm Gunnarsson/Vilhelm Gunnarsson

Fréttastofa gerði lauslega könnun á fargjöldum í dag og þau ódýrstu nema 6.500 krónum til London en þangað verður flogið fjórum sinnum í viku. Ódýrustu fargjöldin til Tenerife nema um sextán þúsund krónum, þótt slíkt verð sé heldur vandfundið. Greiða þarf fyrir aukaþjónustu á borð við handfarangur sem ekki kemst undir sæti og innritaðan farangur. 

„Við sjáum það núna að samkeppnisaðilar okkar eru að henda sínum verðum niður þannig við erum að ýta markaðsverðinu niður fyrir alla neytendur og það er það sem við ætlum áfram að gera,“ segir Birgir.

Breki Karlsson, formaður Neytendasamtakanna, segir innkomu félagsins líklega góðar fréttir fyrir neytendur.

„Samkeppni hefur hefur hingað til þrýst verði niður og aukið þjónustu þannig við fögnum því bara að Play sé að koma inn á markaðinn,“ segir Breki.

Hann segir þó erfitt að meta hvaða áhrif fall WOW hafi almennt haft á fargjöld vegna óvenjulegra tíma sem tóku við í faraldrinum. „Það tóku náttúrulega mjög skrýtnir tímar við en verð hefur verið í háum hæðum, þó það sé kannski ekki alveg sambærilegt við það sem áður var í þessu árferði. En við teljum að það hljóti að vera tækifæri til þess að lækka nú þegar fleiri koma inn á markaðinn og samkeppnin eykst.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
EIM
3,83
10
131.535
ICEAIR
3,68
43
123.260
ICESEA
1,14
1
48
LEQ
0,69
3
5.340
ARION
0,51
17
129.412

Mesta lækkun dagsins


Félag
Br.%
Fjöldi
Velta*
FESTI
-1
1
59.550
SVN
-0,96
7
4.547
REGINN
-0,76
2
178
BRIM
-0,73
2
54.209
SIMINN
-0,47
6
73.451
Velkomin á Vísi. Þessi vefur notar vafrakökur. Sjá nánar.