Hasar á bílavörumarkaðnum: Lénadeilur Poulsen og Orku ehf ná áratug aftur í tímann Atli Ísleifsson skrifar 24. maí 2021 07:01 Deilt hefur verið um lénin orka.is og polsen.is. Deilurnar hafa ítrekað komið til kasta Neytendastofu. vísir Deilur Poulsen á Íslandi og Orku ehf um lén á Internetinu eru á engan hátt nýjar af nálinni og hafa þær ítrekað komið til kasta Neytendastofu. Greint var frá því á mánudag að Neytendastofa hafi meinað Orku ehf að notast við lénið polsen.is þar sem það gæti valdið ruglingi neytenda þar sem samkeppnisaðilinn Poulsen notaðist við lénið poulsen.is. Sjón- og hljóðlíking væri alger enda sé það aðeins stafurinn „u“ sem skilji á milli lénanna. Poulsen flytur meðal annars inn varahluti í bíla og iðnvélar, en Orka ehf sinnir meðal annars framrúðuskiptum í bílum og sölu á ýmsum bílavörum. Eftir að fréttastofa sagði frá ákvörðun Neytendastofu á mánudag bárust fréttastofu fjölda ábendinga um að málið væri flóknara en svo. Ef farið væri inn á heimasíðuna orka.is væri netverjum beint inn á heimasíðu Poulsen, poulsen.is. Deilurnar teygðu sér lengra aftur. Jóhann G. Hermannson, framkvæmdastjóri Orku ehf, á lagernum á Stórhöfða.Aðsend Orka ehf fagnar niðurstöðu Neytendastofu Jóhann G. Hermannson, framkvæmdastjóri Orku ehf, segir fyrirtækið fagna niðurstöðu Neytendastofu og að fyrirtækið hafi vissulega skráð polsen.is til að „hrista aðeins upp í þessu“ þó að það væri vissulega að flytja inn framleiðsluvörur Polsen til sölu hjá sér. „Í raun má segja að nú sé tilhlökkun hjá okkur fyrir næsta skrefi Neytendastofu, sem hlýtur að vera að stöðva notkun Poulsen á léninu orka.is.“ Tengt félagi sem sameinaðist Poulsen Árið 2011 kvartaði Orka ehf. árangurslaust til Neytendastofu vegna notkunar Poulsen á léninu orka.is. Í bréfi Orku ehf til Neytendastofu sagði að félagið hafi einkarétt á firmanafninu ORKA og því hafi mikið verið í mun að ekki væri gengið á rétt þeirra. Poulsen og Orka ættu í samkeppni og því hafi skapast ruglingshætta fyrir neytendur við það að Poulsen hafi notað firmaheiti Orku sem lén. Í ákvörðun Neytendastofu frá árinu 2012 segir að ekki hafi fengist séð að bein tengsl hafi verið hjá Poulsen við lénið orka.is, önnur en þau að fyrri rétthafi lénsins hafi sameinast félaginu. „Eini tilgangur vefsíðunnar sem hýst er á léninu orka.is er að upplýsa um að Orka-Snorri G. Guðmundsson (OSG) hafi sameinast Poulsen árið 2005 og að flytja þann sem slær inn lénið yfir á vefsíðuna poulsen.is,“ sagði í ákvörðuninni. Poulsen heimilt að nota orka.is Þó sagði í ákvörðuninni: „Við mat á ruglingshættu milli auðkennanna telur Neytendastofa að líta verði til þess að engin starfsemi er á vefsíðu með léninu orka.is. Þá hefur ekki síður áhrif á mat á ruglingshættu að Poulsen hefur verið skráður rétthafi lénsins frá árinu 2007, eða í fjögur ár áður en erindi barst Neytendastofu, án þess að Orka hafi kvartað yfir notkuninni. Að öllu framangreindu athuguðu telur Neytendastofa ekki sýnt fram á ruglingshættu milli aðilanna vegna lénsins,“ sagði í ákvörðuninni. Árið 2017 kom einnig mál milli deiluaðilanna til kasta Neytendastofu þar sem Orku ehf var meinað að notast við lénið cromax.is eftir kvörtun frá Poulsen. Ekkert gengur að fá Poulsen til að hætta notkun á léninu Jóhann segir í samtali við Vísi að með nýjustu ákvörðun Neytendastofu verði þess þá vart langt að bíða þar til Poulsen verði bannað að nota lénið orka.is. Í yfirlýsingu frá Orku ehf sem send var fréttastofu segir að bent sé á að uppruna málsins alls megi einmitt rekja til notkunar Poulsen á léninu www.orka.is. „Poulsen nýtir sér lénið www.orka.is til þess að áframsenda viðskiptavini beint yfir á heimasíðu félagsins www.poulsen.is. Staðreyndin er sú að viðskiptavinir Orku ehf. hafa ítrekað lent í því að hafa pantað sér tíma í bílrúðuskipti á www.orka.is og mætt svo til Orku ehf. án þess að eiga þar bókaðan tíma. Orka ehf. hefur ítrekað reynt að fá Poulsen til þess að láta af umræddri háttsemi en án árangurs. Með því að banna Orku ehf. að nýta www.polsen.is til þess að áframsenda viðskiptavini á heimasíðu Orku ehf. hefur Neytendastofa komist að þeirri niðurstöðu að bein áframsending sem þessi sé ólögmæt þar sem að hún sé til þess fallin að valda ruglingi hjá neytendum. Að mati Orku ehf. er því augljóst að Neytendastofa þarf nú að stöðva ólögmæta nýtingu Poulsen á léninu www.orka.is þar sem að hún er til þess fallin að valda ruglingi hjá neytendum. Orka ehf. hefur kvartað undan notkun Poulsen á léninu og væntir þess að Neytendastofa taki ákvörðun í málinu fljótlega,“ segir í yfirlýsingunni. Enginn misskilningur Poulsen-megin Ragnar Matthíasson, framkvæmdastjóri Poulsen, segir að ekki standi til hjá þeim að hætta notkun á léninu orka.is. Orka ehf hafi ítrekað kvartað en allar ákvarðanir opinberra aðila hafi fallið Poulsen í hag. Ragnar Matthíasson fyrir utan verslun Poulsen.Vísir/vilhelm „Við keyptum á sínum tíma fyrirtæki sem heitir Orka og öllu tilheyrandi, lénið þar með talið. Misskilningurinn er að minnsta kosti enginn okkar megin.“ Hann segist ennfremur vissulega orðið var við rugling viðskiptavina þegar kemur að lénum fyrirtækjanna. „Aðallega þó þegar kemur að polsen.is. Við urðum vör við það og leituðum þá Neytendastofu sem hefur nú birt ákvörðun sína, okkur í hag,“ segir Ragnar. Auglýsinga- og markaðsmál Bílar Neytendur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vextir verði ekki lækkaðir fyrr en í haust Viðskipti innlent Vilja gera tilraunir með orkuframleiðslu í geimnum á Íslandi Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Verðbólgan úr sex prósentum í ár í 3,5 prósent árið 2026 Viðskipti innlent Bíllinn leggur meðan ég fæ mér drykk - smart #3 reynsluakstur Samstarf Hafa tryggt útgáfu íslenska tölvuleiksins Island of Winds Viðskipti innlent GreenCoat er umhverfisvænasta litaða stálklæðningin sem völ er á Samstarf Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fleiri fréttir Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira
Greint var frá því á mánudag að Neytendastofa hafi meinað Orku ehf að notast við lénið polsen.is þar sem það gæti valdið ruglingi neytenda þar sem samkeppnisaðilinn Poulsen notaðist við lénið poulsen.is. Sjón- og hljóðlíking væri alger enda sé það aðeins stafurinn „u“ sem skilji á milli lénanna. Poulsen flytur meðal annars inn varahluti í bíla og iðnvélar, en Orka ehf sinnir meðal annars framrúðuskiptum í bílum og sölu á ýmsum bílavörum. Eftir að fréttastofa sagði frá ákvörðun Neytendastofu á mánudag bárust fréttastofu fjölda ábendinga um að málið væri flóknara en svo. Ef farið væri inn á heimasíðuna orka.is væri netverjum beint inn á heimasíðu Poulsen, poulsen.is. Deilurnar teygðu sér lengra aftur. Jóhann G. Hermannson, framkvæmdastjóri Orku ehf, á lagernum á Stórhöfða.Aðsend Orka ehf fagnar niðurstöðu Neytendastofu Jóhann G. Hermannson, framkvæmdastjóri Orku ehf, segir fyrirtækið fagna niðurstöðu Neytendastofu og að fyrirtækið hafi vissulega skráð polsen.is til að „hrista aðeins upp í þessu“ þó að það væri vissulega að flytja inn framleiðsluvörur Polsen til sölu hjá sér. „Í raun má segja að nú sé tilhlökkun hjá okkur fyrir næsta skrefi Neytendastofu, sem hlýtur að vera að stöðva notkun Poulsen á léninu orka.is.“ Tengt félagi sem sameinaðist Poulsen Árið 2011 kvartaði Orka ehf. árangurslaust til Neytendastofu vegna notkunar Poulsen á léninu orka.is. Í bréfi Orku ehf til Neytendastofu sagði að félagið hafi einkarétt á firmanafninu ORKA og því hafi mikið verið í mun að ekki væri gengið á rétt þeirra. Poulsen og Orka ættu í samkeppni og því hafi skapast ruglingshætta fyrir neytendur við það að Poulsen hafi notað firmaheiti Orku sem lén. Í ákvörðun Neytendastofu frá árinu 2012 segir að ekki hafi fengist séð að bein tengsl hafi verið hjá Poulsen við lénið orka.is, önnur en þau að fyrri rétthafi lénsins hafi sameinast félaginu. „Eini tilgangur vefsíðunnar sem hýst er á léninu orka.is er að upplýsa um að Orka-Snorri G. Guðmundsson (OSG) hafi sameinast Poulsen árið 2005 og að flytja þann sem slær inn lénið yfir á vefsíðuna poulsen.is,“ sagði í ákvörðuninni. Poulsen heimilt að nota orka.is Þó sagði í ákvörðuninni: „Við mat á ruglingshættu milli auðkennanna telur Neytendastofa að líta verði til þess að engin starfsemi er á vefsíðu með léninu orka.is. Þá hefur ekki síður áhrif á mat á ruglingshættu að Poulsen hefur verið skráður rétthafi lénsins frá árinu 2007, eða í fjögur ár áður en erindi barst Neytendastofu, án þess að Orka hafi kvartað yfir notkuninni. Að öllu framangreindu athuguðu telur Neytendastofa ekki sýnt fram á ruglingshættu milli aðilanna vegna lénsins,“ sagði í ákvörðuninni. Árið 2017 kom einnig mál milli deiluaðilanna til kasta Neytendastofu þar sem Orku ehf var meinað að notast við lénið cromax.is eftir kvörtun frá Poulsen. Ekkert gengur að fá Poulsen til að hætta notkun á léninu Jóhann segir í samtali við Vísi að með nýjustu ákvörðun Neytendastofu verði þess þá vart langt að bíða þar til Poulsen verði bannað að nota lénið orka.is. Í yfirlýsingu frá Orku ehf sem send var fréttastofu segir að bent sé á að uppruna málsins alls megi einmitt rekja til notkunar Poulsen á léninu www.orka.is. „Poulsen nýtir sér lénið www.orka.is til þess að áframsenda viðskiptavini beint yfir á heimasíðu félagsins www.poulsen.is. Staðreyndin er sú að viðskiptavinir Orku ehf. hafa ítrekað lent í því að hafa pantað sér tíma í bílrúðuskipti á www.orka.is og mætt svo til Orku ehf. án þess að eiga þar bókaðan tíma. Orka ehf. hefur ítrekað reynt að fá Poulsen til þess að láta af umræddri háttsemi en án árangurs. Með því að banna Orku ehf. að nýta www.polsen.is til þess að áframsenda viðskiptavini á heimasíðu Orku ehf. hefur Neytendastofa komist að þeirri niðurstöðu að bein áframsending sem þessi sé ólögmæt þar sem að hún sé til þess fallin að valda ruglingi hjá neytendum. Að mati Orku ehf. er því augljóst að Neytendastofa þarf nú að stöðva ólögmæta nýtingu Poulsen á léninu www.orka.is þar sem að hún er til þess fallin að valda ruglingi hjá neytendum. Orka ehf. hefur kvartað undan notkun Poulsen á léninu og væntir þess að Neytendastofa taki ákvörðun í málinu fljótlega,“ segir í yfirlýsingunni. Enginn misskilningur Poulsen-megin Ragnar Matthíasson, framkvæmdastjóri Poulsen, segir að ekki standi til hjá þeim að hætta notkun á léninu orka.is. Orka ehf hafi ítrekað kvartað en allar ákvarðanir opinberra aðila hafi fallið Poulsen í hag. Ragnar Matthíasson fyrir utan verslun Poulsen.Vísir/vilhelm „Við keyptum á sínum tíma fyrirtæki sem heitir Orka og öllu tilheyrandi, lénið þar með talið. Misskilningurinn er að minnsta kosti enginn okkar megin.“ Hann segist ennfremur vissulega orðið var við rugling viðskiptavina þegar kemur að lénum fyrirtækjanna. „Aðallega þó þegar kemur að polsen.is. Við urðum vör við það og leituðum þá Neytendastofu sem hefur nú birt ákvörðun sína, okkur í hag,“ segir Ragnar.
Auglýsinga- og markaðsmál Bílar Neytendur Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Vextir verði ekki lækkaðir fyrr en í haust Viðskipti innlent Vilja gera tilraunir með orkuframleiðslu í geimnum á Íslandi Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Verðbólgan úr sex prósentum í ár í 3,5 prósent árið 2026 Viðskipti innlent Bíllinn leggur meðan ég fæ mér drykk - smart #3 reynsluakstur Samstarf Hafa tryggt útgáfu íslenska tölvuleiksins Island of Winds Viðskipti innlent GreenCoat er umhverfisvænasta litaða stálklæðningin sem völ er á Samstarf Vonast til að koma dánarbúinu í góðar hendur Neytendur Skelltu líka í lás á Exit og í Nýju vínbúðinni Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fleiri fréttir Vonast til að koma dánarbúinu í góðar hendur Helmingur Íslendinga sáttur við falsanir og eftirlíkingar Allir með fjölnota innkaupapoka fá frítt í strætó á morgun Stöð 2+ lækkar verð Enn ekkert að frétta af félagi sem þúsundir Íslendinga eiga kröfu á Villta vestrið í gjaldtöku bílastæða FÍB vill að Neytendastofa grípi til aðgerða vegna ófremdarástands í bílastæðamálum Mamman ítrekað læst úti en fær engar skaðabætur Flúðu dónalegan fararstjóra og fá ekki krónu Laumuðu fötunum með barnabílstólunum og fá lægri bætur Hótelið alls ekki sex hundruð metra frá ströndinni Athafnaleysi Katrínar geti skaðað hagsmuni landsmanna Kakóverð aldrei hærra og verðhækkanir á súkkulaði rétt að byrja Hvað er opið um páskana? Páskaeggin frá Nóa Síríus vinsælust Stjörnugrís sektaður fyrir íslenskan fána Súkkulaði frá Nóa hækkar mest á meðan Freyja lækkar Bónus, Extra og Heimkaup oftast með lægsta verðið á páskaeggjum Fyrirtæki sem skili milljarða hagnaði leiki nú lausum hala Fólk sæki bætur sjálft til að sleppa við „blóðuga“ þóknun Gapandi yfir gjörbreyttu frumvarpi og varar við því Breytingarnar séu stórhættulegar og á kostnað launafólks Dældu skemmdri díselolíu á bíla sína Vara eindregið við frumvarpi sem leiði til verðbólgu Undrast að það séu hreinlega ekki óeirðir á Íslandi Mál tengd Base Parking á borði Neytendasamtakanna í hverjum mánuði Landsbankinn lækkar vexti Heyrðu fyrst frá blaðamanni um dómsmálið og að þau hefðu tapað því Gerði ekki gott mót og dæmdur til að veita afslátt Hefja uppbyggingu náttúrubaða við upphaf Gullna hringsins Sjá meira