Bílar

Fimm nýir Volvo FH16 dráttarbílar afhentir

Kristinn Ásgeir Gylfason skrifar
Þrír af bílunum sem voru afhentir og nýir eigendur.
Þrír af bílunum sem voru afhentir og nýir eigendur.

Fimm nýir Volvo FH16 dráttarbílar voru afhentir með viðhöfn hjá Velti á Hádegismóum 8 á föstudaginn. Það voru eigendur og starfsmenn fyrirtækjanna Ragnars og Ásgeirs í Grundarfirði og Jón og Margeirs í Grindavík sem komu og tóku formlega við þessum glæsilegu bílum af nýrri kynslóð Volvo FH16.

Meðfylgjandi er fréttatilkynning frá Brimborg.

„Það var mikill heiður og virkilega gaman að tvö svona öflug fyrirtæki hafi fengið nýjustu kynslóð Volvo FH16 afhenta sama dag. Þessi afhending markar upphaf mikillar bylgju afhendinga hjá Velti næstu mánuði og því gríðarlega spennandi tímar framundan hjá Velti. Byrjun ársins 2021 er sú sterkasta í sögu Volvo atvinnutækja hjá Brimborg | Velti og það stefnir í metár bæði í vörubílum og vinnuvélum hjá Velti. Það er ekki sjálfgefið að hægt sé að afhenda svona marga bíla á sama degi, en í þessu verkefni unnu söludeild og þjónustudeild/verkstæði frábærlega saman og ómetanlegt að hafa þetta allt á einu stað þar sem allir vinna sem ein heild,“ segir Marteinn Jónsson, framkvæmdarstjóri Veltis.

Framúrskarandi þægindi og nákvæmni með I-SHIFT í nýjum Volvo FH16 dráttarbíll

Þrír af fimm Volvo FH16 bílum sem voru afhentir.

Nýr Volvo FH16 er magnaður enda framúrskarandi tækni og gæðaefni höfð að leiðarljósi við hönnun og þróun bílsins. Bíllinn er hannaður með þægindi ökumanns í huga og öll stjórntæki í réttri vinnuhæð. Ökumaðurinn getur bæði notað I-SHIFT í gírstönginni eða í þar til gerðum hnapp í mælaborði bílsins allt eftir því hvað hentar hverju sinni, nákvæmni I-SHIFT er einstök. Í bílnum er 9“ skjár þar sem þú getur fylgst með umhverfi bílsins, umferðinni og farmi bílsins með allt að átta myndavélum og ökumannsforritum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.