Innlent

Al­manna­varna­stig vegna Co­vid-19 fært niður á hættu­stig

Atli Ísleifsson skrifar
Tæplega 28 prósent þjóðarinnar telst nú fullbólusettur.
Tæplega 28 prósent þjóðarinnar telst nú fullbólusettur. Vísir/Vilhelm

Ríkislögreglustjóri, í samráði við sóttvarnarlækni, hefur ákveðið að lækka almannavarnastig vegna COVID-19 frá neyðarstigi niður á hættustig.

Frá þessu segir í tilkynningu frá almannavarnadeild ríkislögreglustjóra, en neyðarstigi var fyrst lýst yfir 24. mars síðastliðinn þegar ný reglugerð tók gildi og tíu manna fjöldatakmörkun varð meginreglan, vegna hópsýkinga innanlands.

„Nú gengur vel að ná niður COVID-19 smitum í samfélaginu og því fer almannavarnarstigið niður á hættustig, þessi aðgerð hefur í raun ekki áhrif daglegt líf almennings.

Sóttvarnalæknir og stýrihópur um verkefni sem snýr að COVID-19, mun áfram fylgjast með þróun faraldursins og taka ákvarðanir miðað við framvindu hans.

Frá því að neyðarstigi var fyrst lýst yfir, 6. mars 2020, hafa 6144 smit verið staðfest, 48.528 einstaklingar lokið sóttkví og 622.370 sýni verið tekin innanlands og á landamærum. Tuttugu og níu einstaklingar hafa látist vegna COVID-19.

Í dag eru 62.276 íbúar á Íslandi fullbólusettir eða 27.9% þjóðarinnar (16 ára og eldri),“ segir í tilkynningunni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×