Viðskipti innlent

Seldi í Marel fyrir 168 milljónir króna

Eiður Þór Árnason skrifar
Árni Oddur Þórðarson, forstjóri Marel.
Árni Oddur Þórðarson, forstjóri Marel. Marel

Árni Oddur Þórðarson, forstjóri Marel, hefur selt 190.000 hluti í félaginu á genginu 885 krónur á hlut og nemur salan því 168,2 milljónum króna.

Þetta kemur fram í tilkynningu frá Marel til Kauphallar Íslands en þar með seldi Árni yfir helming af þeim hlutum sem hann átti beint í matvælatæknifyrirtækinu. Eftir viðskiptin á forstjórinn 170.409 hluti ásamt kauprétti að 1.630.000 hlutum.

Árni á jafnframt 17,9% hlut í fjárfestingafélaginu Eyri Invest hf. sem er stærsti einstaki hluthafi Marel hf. með 20% hlut.

Fram kom í árshlutauppgjöri Marel sem birt var í lok apríl að hagnaður félagsins hafi numið 21,2 milljónum evra, eða um 3,2 milljörðum króna, á fyrsta ársfjórðungi 2021. Til samanburðar var hagnaðurinn 13,4 milljónir evra á sama tíma í fyrra. 

Tekjur félagsins jukust um 10,7% milli ára og námu 334 milljónum evra, sem er um 49,9 milljarðar króna.


Tengdar fréttir

Væntingar fjárfesta til Icelandair Group voru óraunhæfar

Nýr stjórnarformaður Icelandair Group, Úlfar Steindórsson, segir engin áform um grundvallarbreytingar á rekstri flugfélagsins. Úlfar telur hátt hlutabréfaverð Icelandair Group í fyrra hafa byggst á óraunhæfum væntingum en að bréfin séu

Sextán milljarða króna hagnaður á krefjandi ári

Hagnaður Marel nam 102,6 milljónum evra eða um 16 milljörðum króna á síðasta ári og dróst saman um 6,8% frá árinu 2019. Alls námu tekjur félagsins 1.237,8 milljónum evra í fyrra eða um 191 milljarði króna og drógust þær saman um 3,6% í evrum talið.

Marel kaupir PMJ

Marel hefur lokið kaupum á fyrirtækinu PMJ, alþjóðlegum framleiðanda hátæknilausna fyrir andaiðnað. Þetta kemur fram í tilkynningu frá Marel en þar kemur fram að PMJ sé í forystu hvað varðar þróun lausna í anda- og gæsaiðnaði. Kaupverðs er ekki getið í tilkynningunni. PMJ var stofnað sem fjölskyldufyrirtæki árið 1998 en nú nema árstekjur fyrirtækisins um fimm miljónum evra og starfa fjörutíu starfsmenn hjá fyrirtækinu í Opmeer í Hollandi.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×