Málaferli sem gætu gerbreytt forritaverslun Apple Kjartan Kjartansson skrifar 4. maí 2021 09:06 Framleiðandi tölvuleiksins Fortnite vill að Apple hætti að krefjast þess að öll snjallforrit séu seld í gegnum forritaverslunina App Store og að hugbúnaðarfyrirtæki verði að nota greiðslukerfi Apple. Vísir/EPA Málflutningur á máli Epic, framleiðanda eins vinsælasta tölvuleiks í heimi, gegn tæknirisanum Apple hófst í gær með því að forstjóri Epic sakaði Apple um að hafa „öll völd“ yfir Iphone-símum. Epic sakar Apple um samkeppnisbrot og hafi það betur gæti Apple neyðst til þess að gerbreyta hvernig Iphone-eigendur nálgast snjallforrit. Upphaf málsins má rekja til þess að Apple taldi að Epic hefði brotið notendaskilmála sína þegar hugbúnaðarfyrirtækið tók upp eigið greiðslukerfi inni í tölvuleiknum Fornite sem margir Iphone-notendur spila á símanum sínum. Apple krefst ekki aðeins að öll forrit séu seld í gegnum App Store, forritaverslun sína, heldur að hugbúnaðarfyrirtækin notist aðeins við greiðslukerfi þess þar sem Apple smyr 30% þóknun ofan á verðið. Mikið er í húfi fyrir Epic því tekjur fyrirtækisins af Fortnite byggjast á því að notendur leiksins kaupi sér hluti innan hans eins og nýtt útlit á persónuna sem þeir spila. Ókeypis er að sækja og spila leikinn sjálfan en Epic hefur þénað fúlgur fjár eingöngu á hégóma spilaranna sem eru tilbúnir að punga út beinhörðum peningum til að líta sem best út á meðan þeir spila. Apple bannaði Epic í App Store fyrir að hafa tekið upp eigið greiðslukerfi. Epic stefndi því Apple fyrir umdæmisdómstól í Kaliforníu í fyrra og sakaði tæknirisann um samkeppnisbrot. Stefnan byggir meðal annars á því að Apple misnoti vald sitt yfir hugbúnaðarfyrirtækjum sem þróa snjallforrit með notendaskilmálum sínum og greiðslukerfi og skaði þannig samkeppni á milli þeirra. Vildu vekja athygli á viðskiptaháttum Apple Við upphaf málflutnings í gær hélt lögmaður Epic því fram að tilgangur App Store væri að Apple gæti kreist pening út úr hugbúnaðarfyrirtækjum sem vilja selja Iphone-notendum snjallforrit. Tim Sweeney, forstjóri Epic, sagðist hafa brotið skilmála Apple vísvitandi í fyrra til þess að vekja athygli á einokun Apple. „Ég vildi að heimurinn sæi að Apple hefur fullt vald yfir öllum hugbúnaði á Ios [stýrikerfi Apple] og að það getur beitt því valdi til að neita notendum um aðgang að forritum,“ sagði Sweeney fyrir dómi, að sögn Reuters-fréttastofunnar. Apple ber því við að skilmálar App Store tryggi öryggi notenda þegar þeir greiða hugbúnaðarfyrirtækjum sem þeir þekkja ekki fyrir þjónustu. Þannig hafi það skapað risavaxinn markað sem öll hugbúnaðarfyrirtæki njóti góðs af. Það sakar Epic um að hafa brotið reglurnar vegna þess að það vildi fá aðgang að Iphone-notendum sér að kostnaðarlausu. Búist er við því að málaferlin standi yfir í þrjár vikur. Epic krefst ekki bóta frá Apple en vill að dómari skipi Apple að leyfa Iphone-notendum að sækja sér forrit utan App Store líkt og notendur Android-síma geta þegar gert. Apple Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enn ekkert að frétta af félagi sem þúsundir Íslendinga eiga kröfu á Neytendur Fasteignamarkaðurinn hitnar en framkvæmdum fækkar Viðskipti innlent FÍB vill að Neytendastofa grípi til aðgerða vegna ófremdarástands í bílastæðamálum Neytendur Tók fimm mánuði að byrja að tala íslensku Atvinnulíf Þau vilja stýra Framkvæmdasýslunni – Ríkiseignum Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Magni kaupmaður látinn 88 ára að aldri Viðskipti innlent Fljúga til Wales í haust í tengslum við landsleikina Viðskipti innlent Guðbjörg orðin pítsudrottning Viðskipti innlent Villta vestrið í gjaldtöku bílastæða Neytendur Fleiri fréttir Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira
Upphaf málsins má rekja til þess að Apple taldi að Epic hefði brotið notendaskilmála sína þegar hugbúnaðarfyrirtækið tók upp eigið greiðslukerfi inni í tölvuleiknum Fornite sem margir Iphone-notendur spila á símanum sínum. Apple krefst ekki aðeins að öll forrit séu seld í gegnum App Store, forritaverslun sína, heldur að hugbúnaðarfyrirtækin notist aðeins við greiðslukerfi þess þar sem Apple smyr 30% þóknun ofan á verðið. Mikið er í húfi fyrir Epic því tekjur fyrirtækisins af Fortnite byggjast á því að notendur leiksins kaupi sér hluti innan hans eins og nýtt útlit á persónuna sem þeir spila. Ókeypis er að sækja og spila leikinn sjálfan en Epic hefur þénað fúlgur fjár eingöngu á hégóma spilaranna sem eru tilbúnir að punga út beinhörðum peningum til að líta sem best út á meðan þeir spila. Apple bannaði Epic í App Store fyrir að hafa tekið upp eigið greiðslukerfi. Epic stefndi því Apple fyrir umdæmisdómstól í Kaliforníu í fyrra og sakaði tæknirisann um samkeppnisbrot. Stefnan byggir meðal annars á því að Apple misnoti vald sitt yfir hugbúnaðarfyrirtækjum sem þróa snjallforrit með notendaskilmálum sínum og greiðslukerfi og skaði þannig samkeppni á milli þeirra. Vildu vekja athygli á viðskiptaháttum Apple Við upphaf málflutnings í gær hélt lögmaður Epic því fram að tilgangur App Store væri að Apple gæti kreist pening út úr hugbúnaðarfyrirtækjum sem vilja selja Iphone-notendum snjallforrit. Tim Sweeney, forstjóri Epic, sagðist hafa brotið skilmála Apple vísvitandi í fyrra til þess að vekja athygli á einokun Apple. „Ég vildi að heimurinn sæi að Apple hefur fullt vald yfir öllum hugbúnaði á Ios [stýrikerfi Apple] og að það getur beitt því valdi til að neita notendum um aðgang að forritum,“ sagði Sweeney fyrir dómi, að sögn Reuters-fréttastofunnar. Apple ber því við að skilmálar App Store tryggi öryggi notenda þegar þeir greiða hugbúnaðarfyrirtækjum sem þeir þekkja ekki fyrir þjónustu. Þannig hafi það skapað risavaxinn markað sem öll hugbúnaðarfyrirtæki njóti góðs af. Það sakar Epic um að hafa brotið reglurnar vegna þess að það vildi fá aðgang að Iphone-notendum sér að kostnaðarlausu. Búist er við því að málaferlin standi yfir í þrjár vikur. Epic krefst ekki bóta frá Apple en vill að dómari skipi Apple að leyfa Iphone-notendum að sækja sér forrit utan App Store líkt og notendur Android-síma geta þegar gert.
Apple Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Enn ekkert að frétta af félagi sem þúsundir Íslendinga eiga kröfu á Neytendur Fasteignamarkaðurinn hitnar en framkvæmdum fækkar Viðskipti innlent FÍB vill að Neytendastofa grípi til aðgerða vegna ófremdarástands í bílastæðamálum Neytendur Tók fimm mánuði að byrja að tala íslensku Atvinnulíf Þau vilja stýra Framkvæmdasýslunni – Ríkiseignum Viðskipti innlent Segir frumvarp um húsaleigulög geta leitt til hærra leiguverðs Viðskipti innlent Magni kaupmaður látinn 88 ára að aldri Viðskipti innlent Fljúga til Wales í haust í tengslum við landsleikina Viðskipti innlent Guðbjörg orðin pítsudrottning Viðskipti innlent Villta vestrið í gjaldtöku bílastæða Neytendur Fleiri fréttir Ólígarkar unnu mál vegna refsiaðgerða fyrir Evrópudómstól Gervigreind Amazon reyndist þúsund Indverjar Rekja meirihluta heimslosunar til 57 framleiðenda Í basli með viðhald og viðgerðir á olíuvinnslum Taylor Swift meðal 265 nýliða á milljarðamæringalista Forbes Wow lifir enn góðu lífi í undraheimi Roosevelt Edwards Rússar flytja inn eldsneyti eftir drónaárásir Trump græddi milljarða dala í dag Forstjóri Boeing lætur af störfum fyrir árslok Bandaríkin höfða mál gegn Apple vegna einokunar Færeyska 757-þotan fær aðra ferð á Vogaflugvöll Boeing 757-þotan fær ekki að lenda í Færeyjum Birta tölvupósta frá Musk Sala á iPhone-símum hríðfellur í Kína Færeyingar fagna fiskflutningaþotu Facebook virkar á ný Bezos tekur aftur fram úr Musk Apple sektað um 270 milljarða af ESB Sjá meira