Við­skipta­vinir Sorpu klári svörtu rusla­pokana fyrir 1. júlí

Frá þessu segir í tilkynningu frá Sorpu, en þar segir að þetta sé gert til að stuðla að meiri endurvinnslu og styðja við hringrásarhagkerfið eiga

Sorpa fagnaði þrjátíu ára afmæli sínu í gær og fengu allir viðskiptavinir endurvinnslustöðvanna glæran poka að gjöf. Var það gert til að auðvelda fólki umskiptin og minna á mikilvægi glæru pokanna.

Haft er eftir Jóni Viggó Gunnarssyni, framkvæmdastjóra Sorpu, að staðreyndin sé því miður sú að meira en helmingurinn af öllu því sem viðskiptavinir skili í gáminn fyrir blandaðan úrgang eigi sér endurvinnslufarvegi. 

„Efnið sem fer í gáminn fer hins vegar beint í urðun. Glæru pokunum er ætlað að auðvelda starfsfólki endurvinnslustöðvanna að hjálpa viðskiptavinum okkar að skila endurvinnsluefnunum í réttan farveg,“ segir Jón Viggó.