Slökkvilið frá tveimur stöðvum á höfuðborgarsvæðinu var sent að Kollafirði síðdegis í dag til þess að koma tveimur kajakræðurum til hjálpar, sem höfðu lent í ógöngum í versnandi veðri.
Eins og stendur eru róðrarmennirnir enn um borð í bátum sínum en þurfa hjálp. Slökkviliðið sást með bát um borð í bílnum á leiðinni í gegnum Mosfellsbæ um fimmleytið í dag. Stefnan er að hjálpa mönnunum að komast í land.
Samkvæmt upplýsingum frá slökkviliðinu er ekki talin hætta á ferð, en hugsunin sú að hafa vaðið fyrir neðan sig. Það er enda farið að hvessa á svæðinu.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
Fleiri fréttir
Sjá meira
