Veiði

Rólegt við Elliðavatn á fyrsta degi

Karl Lúðvíksson skrifar
Fallegur urriði úr Elliðavatni
Fallegur urriði úr Elliðavatni Mynd: KL

Elliðavatn opnaði fyrir veiðimönnum í gær en þrátt fyrir nokkurt fjölmenni var frekar rólegt og veiðin rýr.

Það voru samt nokkrir sem fengu einn og einn fisk eftir okkar fréttum og þar af einn sem fékk þrjá urriða í þremur köstum strax um morgunin en svo ekki söguna meir. Þeir fiskar veiddust allir á rauða Lippu sem er einn veiðnasti urriðaspúnn sem undirritaður hefur prófað og það var greinilegt að það var að virka svona í morgunsárið.

Við Helluvatn var veiðimaður sem missti einn rígvænann urriða á flugu eftir nokkuð harða baráttu og náðist hann í tvígang mjög nálægt landi og taldi veiðimaðurinn að sá hefði verið 5-6 pund en þannig urriðar sjást oft í vatninu á vorinn og synda hungraðir um og stökkva oft fljótt á fyrstu flugurnar. 

Þær flugur sem menn voru að nota mest í gær voru litlar straumflugur en þó var einn sem fór að róðum okkar og notaði Olive fluguna hans Nils Folmer. Sá fékk einn urriða og missti annan undir Elliðavatnsbænum. Þegar kalt er í lofti má gjarnan nefna að best hefur gefist að nota hægsökkvandi línur og strippa straumflugur nokkuð hratt. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.