Fótbolti

Jón Dagur lagði upp fyrra mark AGF

Runólfur Trausti Þórhallsson skrifar
Jón Dagur Þorsteinsson
Jón Dagur Þorsteinsson mynd/agf

AGF vann 2-0 sigur á Randers í dönsku úrvalsdeildinni í knattspyrnu. Jón Dagur Þorsteinsson lagði upp fyrra mark leiksins. Markið má sjá í fréttinni.

Strax á áttundu mínútu átti Jón Dagur frábæran sprett upp vinstri vænginn. Hann fór illa með varnarmann, kom sér yfir á hægri fótinn og gaf fyrir á fjærstöng þar sem hinn 19 ára Albert Grønbæk skallaði knöttinn í netið.

Staðan orðin 1-0 og reyndust það hálfleikstölur. Jón Dagur nældi sér í gult spjald áður en hann var tekinn af velli á 84. mínútu. Alexander Ammitzboll tryggði sigur svo AGF með marki í uppbótartíma leiksins, lokatölur 2-0.

AGF er þar með komið upp í 3. sæti en FC Kaupmannahöfn er í 4. sæti en á leik til góða.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.