Viðskipti innlent

Lyfja kaupir apótek í Skeifunni af Högum

Kolbeinn Tumi Daðason skrifar
Sigríður Margrét Oddsdóttir, framkvæmdastjóri Lyfju.
Sigríður Margrét Oddsdóttir, framkvæmdastjóri Lyfju.

Lyfja hefur náð samkomulagi við Haga um kaup á rekstri Reykjavíkur apóteks í Skeifunni. Apótekið var opnað í febrúar í fyrra. Þetta kemur fram í tilkynningu frá Lyfju. Apótekið var áður í eigu Haga en kaupin eru með fyrirvara um afstöðu Samkeppniseftirlitsins.

Lyfja mun taka yfir réttindi starfsmanna og mun til framtíðar styðja við áframhaldandi uppbyggingu apóteksins. Lyfja er 70% í eigu SÍA III og 30% í eigu einkafjárfesta. SÍA III er framtakssjóður sem er í eigu lífeyrissjóða, fjármálafyrirtækja og fagfjárfesta. Einkafjárfestarnir eru tveir, Ingi Guðjónsson, annar tveggja stofnanda Lyfju og Daníel Helgason, fjárfestir. Lyfja rekur 45 apótek og útibú um allt land.

„Við höfum saknað þess að vera með apótek í Skeifunni. Skeifan er eitt mest sótta verslunarsvæði landsins og við höfum trú á því að sú staðsetning henti vel viðskiptavinum,“ segir Sigríður Margrét Oddsdóttir framkvæmdastjóri Lyfju. Hún býður reynslumikið starfsfólk apóteksins velkomið til starfa.

Finnur Oddsson, forstjóri Haga, segir söluna í samræmi við stefnu fyrirtækisins um að einbeita sér að kjarnastarfsemi á dagvöru- og eldsneytismarkaði.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
1,35
2
4.672
ICEAIR
1,23
33
49.135
ICESEA
0,62
1
80.500
SJOVA
0,31
1
177
FESTI
0,26
3
7.631

Mesta lækkun dagsins


Félag
Br.%
Fjöldi
Velta*
REITIR
-1,69
6
62.081
ARION
-0,79
15
175.199
KVIKA
-0,46
5
56.075
VIS
-0,32
2
54.600
SIMINN
-0,3
6
144.465
Velkomin á Vísi. Þessi vefur notar vafrakökur. Sjá nánar.