Bílar

Umferð á Suðurstrandarvegi jókst um 500 prósent vegna gossins

Kristinn Ásgeir Gylfason skrifar
Suðurstrandarvegur milli Grindavíkur og Þorlákshafnar hefur leikið stórt hlutverk í vegferð landsmanna til að skoða yfirstandandi eldgos sem hófst í Geldingadölum.
Suðurstrandarvegur milli Grindavíkur og Þorlákshafnar hefur leikið stórt hlutverk í vegferð landsmanna til að skoða yfirstandandi eldgos sem hófst í Geldingadölum. vísir/gva

Samkvæmt frétt á vef Vegagerðarinnar jókst umferð um Suðurstrandarveg um 500 prósent frá því að gosið hófst í Geldingadölum.

Að kvöldi 19. mars þegar eldgos hófst í Geldingadölum var skyndileg aukning í umferð á Grindarvíkurvegi og nágrenni. Aukninguna má rekja til áhuga landsmanna á eldgosinu. Stærsti einstaki umferðardagurinn á Reykjanesbraut og Grindarvíkurvegi var 30. mars. Þá fóru 17500 bílar um Reykjanesbraut og 8000 um Grindavíkurveg. Á Suðurstrandarvegi hefur stærsti dagurinn verið 2. apríl, þegar 4300 bílar fóru um mælisnið.

„Umferðartölur fyrri ára á umræddum stöðum gera Vegagerðinni kleift að áætla hver ,,venjubundin“ umferð hefði verið á þessu tímabili ef ekkert gos hefði verið og þá kemur í ljós að umferðin gæti hafa aukist um 21% á Reykjanesbraut, 73% á Grindarvíkurvegi og 484% á Suðurstrandavegi, á umræddu tímabili,“ segir á vef Vegagerðarinnar.

Sólrhringsumferð í báðar áttir á Suðurstrandarvegi við Festarfjall frá 15. mars til 15. apríl.

„Einnig var áætlað hvernig gos-umferðin dreifir sér yfir sólarhringinn, að meðaltali, og þá kemur í ljós að einhver gos-umferð er jafnan allan sólarhringinn en segja má að hún byrji að aukast upp úr hádegi og nái hámarki á tímabilinu 16:00 – 18:00 og frá 22:00 – 24:00,“ segir einnig á vef Vegagerðarinnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.