Sprengisandur: Pólitíkin, öldrunarþjónusta, ríksreksturinn og störf úti á landi

Samúel Karl Ólason skrifar 18. apríl 2021 09:30

Þjóðmálaþátturinn Sprengisandur í umsjá Kristjáns Kristjánssonar verður á sínum stað á Bylgjunni að loknum fréttalestri klukkan tíu. Þátturinn í dag verður fjölbreyttur að vanda og fær Kristján til sín góða gesti.

Í þættinum í dag munu þeir Þorsteinn Pálsson og Guðni Ágústsson rökræða strauma og stefnur í pólitíkinni í samtímanum.

Halla Thoroddsen, framkvæmdastjóri Sóltúns, mun ræða öldrunarþjónustu og fara yfir það hvernig Íslendingar ætla að takast á við sívaxandi þörf fyrir þjónustu við eldra fólk í nánustu framtíð.

Fjármálaráðherrann, Bjarni Benediktsson, mætir svo næstur. Hann mun ræða skuldir ríkisins, atvinnuleysið, covidið, Sjálfstæðisflokkinn og annað sem ber á góma.

Þá munu þær Margrét Jónsdóttir Njarðvík og Auður Ottesen leiða okkur í allan sannleika um arðsemi hamingjunnar á landsbyggðinni í kjölfarið á samnefndum fundi Félags kvenna í atvinnulífinu. Á þeim fundi verður lögð áhersla á tækifærin sem tæknin skapar fólki til að flytja störf og verkefni hvert á land sem er.

Hægt er að hlusta á þáttinn í spilaranum hér að neðan.

Sprengisandur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.