Samstarf

Yess er nýtt markaðstorg þar sem panta má mat og afþreyingu

Yess.is
Helgi Andri Jónsson, stofnandi og framkvæmdastjóri Proton
Helgi Andri Jónsson, stofnandi og framkvæmdastjóri Proton

Yfir hundrað veitingastaðir skráðir á Yess markaðstorg en þar er hægt að panta bæði mat og aþreyingu.

Yess er glænýtt markaðstorg úr smiðju íslenska hugbúnaðarfyrirtækisins Proton þar sem hægt er að panta bæði veitingar og afþreyingu. Yfir hundrað staðir eru þegar skráðir á torgið og stöðugt bætist við. Yess.is er afar notendavæn síða og auðvelt er að finna nákvæmlega það sem leitað er að eftir flokkum. Yess er Vefverslun vikunnar á Vísi.

„Neytendur hafa beðið eftir þeirri útfærslu að sjá úrvalið af mat sem hægt er að panta, flokkað niður til að auðvelda ferlið, til dæmis þegar kemur að Vegan. Það eru alltaf að bætast nýir og nýir staðir við flóruna og við gerum okkar besta við að bæta þeim inn á Yess,“ útskýrir Helgi Andri Jónsson, stofnandi og framkvæmdastjóri Proton.

„Við ákváðum einnig að bjóða upp á fleira en mat inni á markaðstorginu og bættum inn afþreyingu enda hægt að gera margt skemmtilegt hér á landi og þægilegt fyrir fólk að geta nálgast breitt úrval á einum stað,“ segir Helgi en inni á Yess.is er að finna afþreyingu fyrir alla fjölskylduna, meðal annars lasertag, golf og pílu svo fátt eitt sé nefnt.

Proton er einnig rekstraraðili sölukerfisins SalesCloud sem þjónustar fjölda fyrirtækja. Helgi segir markaðstorgið Yess hafa sprottið upp úr aukinni þjónustu SalesCloud við sína viðskiptavini.

„Þeir sem panta í gegnum heimasíður þessara fyrirtækja fara í gegnum kerfið hjá okkur og við vildum búa til svæði þar sem fólk gæti fundið okkar samstarfsaðila á einum stað,“ segir Helgi.

„Við bjóðum einnig upp á þá þjónustu að hægt er að bóka fyrir fjölda en það hefur ekki verið einfalt í framkvæmd til dæmis fyrir fyrirtæki sem vilja bóka fyrir starfsmannahópa. Við leggjum áherslu á að einfalda hlutina svo aðgengið verði sem þægilegast fyrir notendur.

Við höfum meðal annars gert samning við öll nemendafélög á höfuðborgarsvæðinu en félögin gera á hverju ári samninga við veitingastaði um afslætti. Þegar nemendur í þessum félögum sækja Yess appið fá þau afsláttinn sjálfvirkt. Það þekkja það margir að vinnustaðir eru gjarnan með afslætti fyrir starfsfólk sitt á ýmsum stöðum en það er enginn einn staður sem heldur utan um þær upplýsingar svo starfsmenn geti nýtt sér þá. Þar kemur Yess sterkt inn,“ útskýrir Helgi.

Þá ætlum við að kynna nýjung í vikunni og verða fyrsta markaðstorgið til þess að bjóða upp á ApplePay. Það eru ekki allir alltaf með kortið á sér og því mjög sniðugt að geta nýtt sér innbyggðu kortageymsluna í símanum,“ segir Helgi.

Yess.is fór í loftið í lok mars og er óhætt að segja að neytendur hafi tekið við sér. „Það varð algjör sprengja í heimsóknum inn á síðuna og greinilegt að eftirspurnin er mikil.“





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.