Innlent

Náði myndbandi af mjaldri í Reykjavíkurhöfn

Kristín Ólafsdóttir skrifar
Mjaldurinn í höfninni í dag.
Mjaldurinn í höfninni í dag. Skjáskot

Mjaldur sást að leik í Reykjavíkurhöfn um hádegisbil í dag. Myndband af mjaldrinum í höfninni má nálgast neðar í fréttinni en sérfræðingar segja afar óvenjulegt að sjá mjaldra á þessum slóðum.

Ágúst Daníel náði myndbandi af mjaldrinum í höfninni skammt frá Grandagarði og Siglingaskólanum í dag. Mjaldurinn var þó á bak og burt þegar fréttastofu bar að garði en samkvæmt upplýsingum frá sjónarvottum lét hann sig hverfa eftir að stórum togara var siglt inn í höfnina. 

Edda Elísabet Magnúsdóttir og Gísli Víkingsson hvalasérfræðingar drifu sig niður að höfninni til að berja mjaldurinn augum í dag - en gripu í tómt. Þau segja í samtali við fréttastofu að nær alveg öruggt sé þó að þarna hafi verið mjaldur á ferð. Það sé harla óvenjulegt að sjá mjaldur á þessum slóðum, ekki síst einan á ferð.

Nánar verður rætt við Eddu og Gísla í kvöldfréttum Stöðvar 2.

Dýr Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið