Innlent

Ellefu greindust innan­lands og sex utan sóttkvíar

Atli Ísleifsson skrifar
24.344 eru nú fullbólusettir hér á landi og er bólusetning hafin hjá 25.915 til viðbótar.
24.344 eru nú fullbólusettir hér á landi og er bólusetning hafin hjá 25.915 til viðbótar. Vísir/Vilhelm

Ellefu greindust með kórónuveiruna innan­lands í gær. Sex þeirra sem greindust voru utan sóttkvíar.

Þetta kemur fram í uppfærðum tölum á Covid.is. 132 eru nú í einangrun, samanborið við 123 í gær. 127 eru nú í sóttkví. 904 eru nú í skimunarsóttkví. Þá er enginn nú á sjúkrahúsi vegna Covid-19.

Tveir greindust á landamærunum í gær og er niðurstöðu mótefnamælingar beðið í tilviki beggja.

Þeir sex sem greindust utan sóttkvíar tengjast hugsanlega einstaklingi sem greindist á landamærunum, þar sem mögulegt er að einstaklingur með mótefni hafi smitast aftur af veirunni eftir komuna hingað til lands. Þetta segir Þórólfur Guðnason sóttvarnalæknir í samtali við fréttastofu. Fimm af sex utan sóttkvíar eru á Suðurlandi en einn á höfuðborgarsvæðinu. 

Nýgengi á smiti innanlands, þ.e. fjöldi smitaðra á hverja 100 þúsund íbúa undanfarnar tvær vikur, er nú 22,6, en var 24,0 í gær. Nýgengi á smiti á landamærum er nú 6,5, en var 7,9 í gær.

24.344 eru nú fullbólusettir hér á landi og er bólusetning hafin hjá 25.915 til viðbótar.

Alls voru tekin 1.238 einkennasýni hjá sýkla- og veirufræðideild Landspítalans og Íslenskri erfðagreiningu í gær. Þá voru 550 sýni tekin á landamærunum eða í seinni landamæraskimun og 363 í svokallaðri sóttkvíar- og handahófsskimun. Þá voru tekin 262 sýni í annarri skimun hjá Íslenskri erfðagreiningu.

Fréttin hefur verið uppfærð



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×