Viðskipti innlent

Inn­kalla and­lits­grímur sem eru sagðar veita falskt öryggi

Eiður Þór Árnason skrifar
Fólk er beðið um að hætta notkun grímanna og henda þeim eða skila til fyrirtækisins.
Fólk er beðið um að hætta notkun grímanna og henda þeim eða skila til fyrirtækisins. Rekstrarvörur/Já.is

Rekstrarvörur hafa hafið innköllun á KN95/FFP2 andlitsgrímum sem stóðust ekki prófanir. Um er að ræða CE merktar persónuhlífar af gerðinni FFP2 sem seldar voru í tíu stykkja pakkningum með vörunúmerinu 10KN95.

Grímurnar eru sagðar veita fólki falskt öryggi og bendir Neytendastofa þeim sem eiga slíkar grímur á að hætta notkun þeirra strax og henda þeim eða skila til Rekstrarvara.

Þetta kemur fram á vef Neytendastofu en stofnunin sendi nokkur eintök af umræddum grímum til prófunar hjá löggildri prófunarstofu innan Evrópu. Samkvæmt niðurstöðum hennar falla grímurnar ekki nægilega vel að andliti notenda og myndast þar af leiðandi of mikið skilrúm á milli andlits og grímu.

Umræddar grímur. Rekstrarvörur

Jafnframt var gegnumflæði í gegnum efni grímunnar prófað, en í tilviki FFP2 persónuhlífa má gegnumflæði úðaefnis vera innan við 6%. Prófun á grímunum leiddi hins vegar í ljós að gegnumflæðið var langt yfir leyfileg mörk.

Andlitsgrímur sem framleiddar eru sem persónuhlífar þurfa að uppfylla ákveðnar lágmarkskröfur sem umræddar grímu fullnægðu ekki að sögn Neytendastofu.

„Eftir að Rekstrarvörum voru kynntar niðurstöður prófunarinnar ákvað fyrirtækið að hætta sölu strax á framangreindum andlitshlífum og innkalla þær af markaði. Í tilkynningu frá seljanda hafa um 30 pk. verið seldir á þessu ári,“ segir á vef stofnunarinnar.


Tengdar fréttir

Kalla inn grímur sem veita litla sem enga vernd

Neytendastofa vekur á athygli á innköllun á andlitsgrímum sem meðal annars hafa verið seldar í verslunum Krambúðarinnar, Nettó, Kjörbúðarinnar og Iceland. Ekki er talið að grímurnar hafi mikið sóttvarnalegt notagildi.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
BRIM
3,05
13
257.683
REGINN
2
4
53.175
ARION
1,22
42
914.527
SIMINN
1,06
9
234.803
EIM
0,69
2
64.308

Mesta lækkun dagsins


Félag
Br.%
Fjöldi
Velta*
KVIKA
-1,86
41
928.396
REITIR
-1,42
14
57.606
ICESEA
-0,92
12
136.097
ICEAIR
-0,71
20
8.546
EIK
-0,5
5
29.126
Velkomin á Vísi. Þessi vefur notar vafrakökur. Sjá nánar.