Viðskipti innlent

Þynging og sýkna í innherjasvikamáli í Icelandair

Kolbeinn Tumi Daðason skrifar
Kjartan Bergur Jónsson (til vinstri) var sýknaður af ákærunni. Dómur var þyngdur yfir Kjartani Jónssyni (fyrir miðju) og þriggja og hálfs árs dómur yfir Kristjáni Georgi Jósteinssyni staðfestur. 
Kjartan Bergur Jónsson (til vinstri) var sýknaður af ákærunni. Dómur var þyngdur yfir Kjartani Jónssyni (fyrir miðju) og þriggja og hálfs árs dómur yfir Kristjáni Georgi Jósteinssyni staðfestur.  Vísir/vilhelm

Landsréttur staðfesti í dag þriggja og hálfs árs fangelsisdóm yfir Kristjáni Georg Jósteinssyni í Icelandair-innhverjasvikamálinu. Þá var dómur yfir Kjartani Jónssyni þyngdur úr átján mánuðum í tvö ár. Kjartan Bergur Jónsson, sem fékk fjögurra mánaða skilorðsbundinn dóm í héraði, var sýknaður í Landsrétti.

Kjartan Jónsson og Kristján Georg voru ákærðir fyrir innherjasvik sem fóru þannig fram að Kristján Georg keypti og nýtti, í gegnum félag sitt Fastrek, afleiður og sölurétt samkvæmt valréttarsamningum sem byggðust á verðþróun hlutabréfa í Icelandair. 

Það gerði hann þrátt fyrir að búa yfir innherjaupplýsingum sem Kjartan, þá forstöðumaður leiðakerfisstjórnunar Icelandair, lét honum í té.

Kjartan Berg var ákærður fyrir hlutdeild í innherjasvikum fyrir að hafa keypt sams konar sölurétt samkvæmt valréttarsamningi á grundvelli ráðgjafar eða hvatningar af hálfu Kristjáns Georgs.

Fruminnherji hjá Icelandair

Í dómi Landsréttar var rakið að Kjartan Jónsson hefði, í starfi sínu verið skilgreindur í hópi lykilstarfsmanna Icelandair og skráður fruminnherji í móðurfélaginu Icelandair Group hf. Þannig hefði hann að jafnaði haft aðgang að upplýsingum sem gátu haft marktæk áhrif á markaðsvirði félagsins.

Samskipti hans og Kristjáns Georgs hafi borið með sér að Kristján Georg hefði átt viðskipti með umræddar afleiður og sölurétti, á grundvelli innherjaupplýsinga frá Kjartani Jónssyni. Þannig hefði Kjartan Jónsson tekið þátt í skiptingu áhættu og hagnaðar. Voru þeir því sakfelldir fyrir framangreind brot.

Við ákvörðun refsingar var litið til þess að brot þeirra voru sérstaklega alvarleg og ásetningur þeirra einbeittur. Refsing Kjartans Jónssonar var ákveðin fangelsi í tvö ár en Kristján Georg rauf með brotum sínum skilorð og var refsing hans því ákveðin þrjú ár og sex mánuðir.

Með milljónir í reiðufé heima hjá sér

Fallist var á upptöku á þremur milljónum króna í reiðufé sem fundust á heimili Kjartans og 38 milljónum úr félagi Kristjáns Georgs Fastreki. Milljónirnar 38 teljast hluti af fasteignum félagsins.

Landsréttur taldi að ákæruvaldinu hefði ekki tekist að færa sönnur á að Kjartan Berg hefði vitað eða mátt vita að Kristján Georg hefði búið yfir innherjaupplýsingum þegar hann ráðlagði eða hvatti hann til viðskipta með bréf félagsins. Var Kjartan Berg því sýknaður af hlutdeild í innherjasvikabroti Kristjáns Georgs.

Hann fékk þó ekki að halda þeim rúmlega tuttugu milljónum króna ávinningi af viðskiptunum. Þau töldust vera 4,3 milljónir króna sem fundust í reiðufé á heimili Kjartans Bergs og hluti af andvirði í fasteign hans í Reykjavík.

Fréttin hefur verið uppfærð.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
REITIR
2,5
16
382.500
EIK
1,51
4
60.450
VIS
1,23
4
117.228
REGINN
1,22
3
41.950
SJOVA
1,08
8
73.387

Mesta lækkun dagsins


Félag
Br.%
Fjöldi
Velta*
ICEAIR
-2,8
21
82.182
ARION
-2,2
34
787.410
EIM
-0,35
1
16.877
MAREL
-0,23
5
99.720
HAGA
0
4
498.150
Velkomin á Vísi. Þessi vefur notar vafrakökur. Sjá nánar.