Hvernig verður fyrsta byrjunarlið Arnars Þórs sem landsliðsþjálfara? Ingvi Þór Sæmundsson skrifar 25. mars 2021 10:00 Hvaða ellefu leikmenn mun Arnar Þór Viðarsson veðja á gegn Þýskalandi? vísir/vilhelm Hvernig mun fyrsta byrjunarlið Arnars Þórs Viðarssonar sem þjálfara íslenska karlalandsliðsins í fótbolta líta út? Vísir fer yfir möguleikana í stöðunni. Ísland mætir Þýskalandi í Duisburg í kvöld í fyrsta leik sínum í undankeppni HM 2022. Þetta er jafnframt fyrsti leikur íslenska liðsins undir stjórn nýs þjálfarateymis. Stærsta áskorunin sem bíður Arnars Þórs er hvernig á að fylla skarð Gylfa Þórs Sigurðssonar sem verður fjarverandi í leikjunum þremur sem framundan eru. Þegar Arnar Þór var þjálfari U-21 árs landsliðsins notaði hann jafnan leikkerfið 4-3-3 með einn varnarsinnaðan miðjumann og tvo þar fyrir framan. Svo gæti farið að Arnar Þór færi sömu leið með A-landsliðið, sérstaklega vegna fjarveru Gylfa. Ísland myndi þá ekki spila með sóknarmiðjumann, svokallaða tíu, eins og Arnar Gunnlaugsson, þjálfari Víkings R., sagði í samtali við Guðjón Guðmundsson í Sportpakkanum í fyrradag. „Ef það er 4-1-4-1 þá held ég að Aron Einar [Gunnarsson] verði aftastur á miðju og þá ertu með tvær áttur sem ég held að verði Guðlaugur Victor [Pálsson] og Birkir [Bjarnason],“ sagði Arnar. „Að breyta þessu kerfi hjálpar aðeins til við að missa Gylfa út. Þá ertu ekki með þessa eiginlegu tíu heldur tvær áttur fyrir framan sexuna. Það hjálpar manni að sofa aðeins betur.“ Líklegt er að Arnar sé allavega með tvo af þremur miðjumönnum Íslands á morgun rétta. Aron Einar, Guðlaugur Victor og Birkir byrja vafalaust allir en eina spurningin er hvort sá síðastnefndi verði notaður á miðjunni eða vinstri kantinum. Ef seinni staðan verður fyrir valinu kemur Rúnar Már Sigurjónsson væntanlega inn á miðjuna. Ef Arnar Þór kýs að spila 4-4-1-1 myndi Albert Guðmundsson væntanlega leysa stöðu framliggjandi miðjumanns. Það er þó líklegra að Arnar Þór setji öryggið á oddinn og veðji á reynsluna gegn Þýskalandi. Arnar Þór staðfesti í samtali við Fótbolta.net í gær að Jóhann Berg Guðmundsson myndi byrja á bekknum í leiknum í kvöld. Albert Guðmundsson gerir sterkt tilkall til byrjunarliðssætis gegn Þýskalandi.vísir/vilhelm Hvað kantstöðurnar varðar getur Arnar Þór notað Arnórana, Ingva Traustason og Sigurðsson, og Birki þar eða jafnvel Albert til að fá meiri sköpunarkraft í fjarveru Gylfa og Jóhanns Berg. Líklegt verður að teljast að Jón Daði Böðvarsson verði fremsti maður í leiknum í kvöld og Kolbeinn Sigþórsson verði sparaður fyrir seinni tvo leikina. Hannes Þór Halldórsson stendur að öllum líkindum milli stanganna eins og síðustu ár og Rúnar Alex Rúnarsson verður enn að bíða eftir sínu tækifæri. Alfons Sampsted þykir líklegur arftaki Birkis Más Sævarssonar í stöðu hægri bakvarðar í íslenska landsliðinu.vísir/vilhelm Í stöðu hægri bakvarðar getur Arnar Þór valið 95 landsleikja manninn Birki Már Sævarsson, Alfons Sampsted eða jafnvel Guðlaug Victor sem hefur leyst þessa stöðu með landsliðinu undanfarin misseri. Þar sem Arnar Þór kallaði Alfons upp í A-landsliðið í stað þess að spila með U-21 árs landsliðinu á EM verður að teljast líklegast að hann noti hann í leikjunum þremur og setji traust sitt á hann sem framtíðar hægri bakvörð íslenska liðsins. Í vinstri bakvarðarstöðunni stendur valið á milli Harðar Björgvins Magnússonar og Ara Freys Skúlasonar. Sá fyrrnefndi er líklegri kostur gegn Þýskalandi en Arnar Þór gæti þó horft til Ara og hans öfluga vinstri fóts sem gæti nýst vel í föstum leikatriðum í fjarveru Gylfa og Jóhanns Berg. Sverrir Ingi Sverrisson er sá miðvörður í íslenska hópnum sem er að spila mest, og best, um þessar mundir. Honum hefur samt reynst erfitt að komast fram fyrir Kára Árnason og Ragnar Sigurðsson sem hafa staðið vaktina í miðri vörn Íslands undanfarin ár. Kári er á undirbúningstímabili hér heima og Ragnar hefur nánast ekkert spilað með liði sínu í Úkraínu en það þyrfti ekkert að koma á óvart ef Arnar Þór myndi veðja á reynslu og samvinnu þeirra gegn Þýskalandi. Líklegt byrjunarlið Íslands Markvörður: Hannes Þór Halldórsson Hægri bakvörður: Alfons Sampsted Miðverðir: Kári Árnason og Ragnar Sigurðsson Vinstri bakvörður: Hörður Björgvin Magnússon Hægri kantmaður: Arnór Ingvi Traustason Miðjumenn: Guðlaugur Victor Pálsson, Aron Einar Gunnarsson, Birkir Bjarnason Vinstri kantmaður: Albert Guðmundsson Framherji: Jón Daði Böðvarsson Leikur Þýskalands og Íslands hefst klukkan 19:45 og verður í beinni textalýsingu á Vísi. HM 2022 í Katar Mest lesið Sögðu Betu að drulla sér frá Belgíu: „Nýtt fyrir mér“ Fótbolti Leik lokið: Egnatia - Breiðablik 1-0 | Grátlegt tap í Albaníu Fótbolti Óli Jóh skellihló að viðtali Heimis Íslenski boltinn Kossar kærastans ástæðan fyrir því hún féll á lyfjaprófi Sport Amorim sagði nei og Man. United missti af 1,6 milljörðum Enski boltinn Lentu í rútuslysi og æfingu aflýst Fótbolti „Langaði virkilega að fara að gráta þegar ég kom inn í klefa“ Fótbolti EM í dag: Nótt á spítala, hræddir blaðamenn og nammi frá Betu Fótbolti „Vandamálið er ekki að við eigum ekki nógu góða leikmenn“ Fótbolti Mikil blóðtaka fyrir Valsmenn Körfubolti Fleiri fréttir Fyrrum leikmaður United til liðs við Arsenal Óska eftir að að fyrsta leik deildarinnar verði frestað Sögðu Betu að drulla sér frá Belgíu: „Nýtt fyrir mér“ Svíþjóð örugglega áfram í átta liða úrslit Leik lokið: Egnatia - Breiðablik 1-0 | Grátlegt tap í Albaníu Besti ungi leikmaðurinn í Japan í fyrra kominn til Tottenham Shaina boðin hjartanlega velkomin aftur í Hamingjuna EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Þjóðverjar völtuðu yfir Dani í seinni hálfleik Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Þurfa stelpurnar okkar bara að finna sér nýjan Sigurwin? Leikmenn Liverpool þurfa að mæta í vinnuna í dag Frá Midtjylland til Newcastle Dreymdi um dans og söng inni í klefa: „Erfitt að koma í orð hvernig manni líður“ Vörn Grindavíkur áfram hriplek Endurkomujafntefli heldur Portúgölum á lífi Sjá meira
Ísland mætir Þýskalandi í Duisburg í kvöld í fyrsta leik sínum í undankeppni HM 2022. Þetta er jafnframt fyrsti leikur íslenska liðsins undir stjórn nýs þjálfarateymis. Stærsta áskorunin sem bíður Arnars Þórs er hvernig á að fylla skarð Gylfa Þórs Sigurðssonar sem verður fjarverandi í leikjunum þremur sem framundan eru. Þegar Arnar Þór var þjálfari U-21 árs landsliðsins notaði hann jafnan leikkerfið 4-3-3 með einn varnarsinnaðan miðjumann og tvo þar fyrir framan. Svo gæti farið að Arnar Þór færi sömu leið með A-landsliðið, sérstaklega vegna fjarveru Gylfa. Ísland myndi þá ekki spila með sóknarmiðjumann, svokallaða tíu, eins og Arnar Gunnlaugsson, þjálfari Víkings R., sagði í samtali við Guðjón Guðmundsson í Sportpakkanum í fyrradag. „Ef það er 4-1-4-1 þá held ég að Aron Einar [Gunnarsson] verði aftastur á miðju og þá ertu með tvær áttur sem ég held að verði Guðlaugur Victor [Pálsson] og Birkir [Bjarnason],“ sagði Arnar. „Að breyta þessu kerfi hjálpar aðeins til við að missa Gylfa út. Þá ertu ekki með þessa eiginlegu tíu heldur tvær áttur fyrir framan sexuna. Það hjálpar manni að sofa aðeins betur.“ Líklegt er að Arnar sé allavega með tvo af þremur miðjumönnum Íslands á morgun rétta. Aron Einar, Guðlaugur Victor og Birkir byrja vafalaust allir en eina spurningin er hvort sá síðastnefndi verði notaður á miðjunni eða vinstri kantinum. Ef seinni staðan verður fyrir valinu kemur Rúnar Már Sigurjónsson væntanlega inn á miðjuna. Ef Arnar Þór kýs að spila 4-4-1-1 myndi Albert Guðmundsson væntanlega leysa stöðu framliggjandi miðjumanns. Það er þó líklegra að Arnar Þór setji öryggið á oddinn og veðji á reynsluna gegn Þýskalandi. Arnar Þór staðfesti í samtali við Fótbolta.net í gær að Jóhann Berg Guðmundsson myndi byrja á bekknum í leiknum í kvöld. Albert Guðmundsson gerir sterkt tilkall til byrjunarliðssætis gegn Þýskalandi.vísir/vilhelm Hvað kantstöðurnar varðar getur Arnar Þór notað Arnórana, Ingva Traustason og Sigurðsson, og Birki þar eða jafnvel Albert til að fá meiri sköpunarkraft í fjarveru Gylfa og Jóhanns Berg. Líklegt verður að teljast að Jón Daði Böðvarsson verði fremsti maður í leiknum í kvöld og Kolbeinn Sigþórsson verði sparaður fyrir seinni tvo leikina. Hannes Þór Halldórsson stendur að öllum líkindum milli stanganna eins og síðustu ár og Rúnar Alex Rúnarsson verður enn að bíða eftir sínu tækifæri. Alfons Sampsted þykir líklegur arftaki Birkis Más Sævarssonar í stöðu hægri bakvarðar í íslenska landsliðinu.vísir/vilhelm Í stöðu hægri bakvarðar getur Arnar Þór valið 95 landsleikja manninn Birki Már Sævarsson, Alfons Sampsted eða jafnvel Guðlaug Victor sem hefur leyst þessa stöðu með landsliðinu undanfarin misseri. Þar sem Arnar Þór kallaði Alfons upp í A-landsliðið í stað þess að spila með U-21 árs landsliðinu á EM verður að teljast líklegast að hann noti hann í leikjunum þremur og setji traust sitt á hann sem framtíðar hægri bakvörð íslenska liðsins. Í vinstri bakvarðarstöðunni stendur valið á milli Harðar Björgvins Magnússonar og Ara Freys Skúlasonar. Sá fyrrnefndi er líklegri kostur gegn Þýskalandi en Arnar Þór gæti þó horft til Ara og hans öfluga vinstri fóts sem gæti nýst vel í föstum leikatriðum í fjarveru Gylfa og Jóhanns Berg. Sverrir Ingi Sverrisson er sá miðvörður í íslenska hópnum sem er að spila mest, og best, um þessar mundir. Honum hefur samt reynst erfitt að komast fram fyrir Kára Árnason og Ragnar Sigurðsson sem hafa staðið vaktina í miðri vörn Íslands undanfarin ár. Kári er á undirbúningstímabili hér heima og Ragnar hefur nánast ekkert spilað með liði sínu í Úkraínu en það þyrfti ekkert að koma á óvart ef Arnar Þór myndi veðja á reynslu og samvinnu þeirra gegn Þýskalandi. Líklegt byrjunarlið Íslands Markvörður: Hannes Þór Halldórsson Hægri bakvörður: Alfons Sampsted Miðverðir: Kári Árnason og Ragnar Sigurðsson Vinstri bakvörður: Hörður Björgvin Magnússon Hægri kantmaður: Arnór Ingvi Traustason Miðjumenn: Guðlaugur Victor Pálsson, Aron Einar Gunnarsson, Birkir Bjarnason Vinstri kantmaður: Albert Guðmundsson Framherji: Jón Daði Böðvarsson Leikur Þýskalands og Íslands hefst klukkan 19:45 og verður í beinni textalýsingu á Vísi.
Markvörður: Hannes Þór Halldórsson Hægri bakvörður: Alfons Sampsted Miðverðir: Kári Árnason og Ragnar Sigurðsson Vinstri bakvörður: Hörður Björgvin Magnússon Hægri kantmaður: Arnór Ingvi Traustason Miðjumenn: Guðlaugur Victor Pálsson, Aron Einar Gunnarsson, Birkir Bjarnason Vinstri kantmaður: Albert Guðmundsson Framherji: Jón Daði Böðvarsson
HM 2022 í Katar Mest lesið Sögðu Betu að drulla sér frá Belgíu: „Nýtt fyrir mér“ Fótbolti Leik lokið: Egnatia - Breiðablik 1-0 | Grátlegt tap í Albaníu Fótbolti Óli Jóh skellihló að viðtali Heimis Íslenski boltinn Kossar kærastans ástæðan fyrir því hún féll á lyfjaprófi Sport Amorim sagði nei og Man. United missti af 1,6 milljörðum Enski boltinn Lentu í rútuslysi og æfingu aflýst Fótbolti „Langaði virkilega að fara að gráta þegar ég kom inn í klefa“ Fótbolti EM í dag: Nótt á spítala, hræddir blaðamenn og nammi frá Betu Fótbolti „Vandamálið er ekki að við eigum ekki nógu góða leikmenn“ Fótbolti Mikil blóðtaka fyrir Valsmenn Körfubolti Fleiri fréttir Fyrrum leikmaður United til liðs við Arsenal Óska eftir að að fyrsta leik deildarinnar verði frestað Sögðu Betu að drulla sér frá Belgíu: „Nýtt fyrir mér“ Svíþjóð örugglega áfram í átta liða úrslit Leik lokið: Egnatia - Breiðablik 1-0 | Grátlegt tap í Albaníu Besti ungi leikmaðurinn í Japan í fyrra kominn til Tottenham Shaina boðin hjartanlega velkomin aftur í Hamingjuna EM í dag: Nótt á spítala, hræddir blaðamenn og nammi frá Betu FIFA opnar skrifstofu í Trump turni Þjóðverjar völtuðu yfir Dani í seinni hálfleik Lentu í rútuslysi og æfingu aflýst Everton búið að finna sinn Peter Crouch „Þú ert ekki tilbúinn fyrir Ásdísi Halldórsdóttur“ Amorim sagði nei og Man. United missti af 1,6 milljörðum Sólarbann, freistingar og kokhraustir Albanir „Vandamálið er ekki að við eigum ekki nógu góða leikmenn“ Freyr missir lykilmann fyrir metfé Óli Jóh skellihló að viðtali Heimis Hafa skyldum að gegna gagnvart landsliðinu og þjóðinni Stúkumenn ekki sammála um hvort Valsmenn geti orðið meistarar Fullt af Betum upp í stúku á EM í gær KA fékk færri athugasemdir en Crystal Palace Sjáðu Árna bjarga sjálfum sér en fá svo á sig jöfnunarmark langt utan af velli „Langaði virkilega að fara að gráta þegar ég kom inn í klefa“ Þurfa stelpurnar okkar bara að finna sér nýjan Sigurwin? Leikmenn Liverpool þurfa að mæta í vinnuna í dag Frá Midtjylland til Newcastle Dreymdi um dans og söng inni í klefa: „Erfitt að koma í orð hvernig manni líður“ Vörn Grindavíkur áfram hriplek Endurkomujafntefli heldur Portúgölum á lífi Sjá meira