Innlent

Slæmt veður á gossvæðinu og biðja fólk að snúa við

Sylvía Hall skrifar
Margir hafa freistað þess að bera gosið augum, hvort sem það er að degi til eða að næturlagi. Spáin er þó slæm fyrir nóttina og biður lögregla fólk um að snúa við. 
Margir hafa freistað þess að bera gosið augum, hvort sem það er að degi til eða að næturlagi. Spáin er þó slæm fyrir nóttina og biður lögregla fólk um að snúa við.  Vísir/Vilhelm

Lögreglan á Suðurnesjum biðlar til þeirra sem hyggjast ganga að gosstöðvunum í nótt að snúa við. Afar slæmt veður er á svæðinu og er spáð versnandi veðri í nótt.

Þetta kemur fram í stöðuuppfærslu lögreglunnar á Facebook nú í nótt. Fólk er beðið um að snúa við og halda aftur í bíla sína þar sem ástandið á svæðinu fari versnandi.

„Við gerum okkur fyllilega grein fyrir því að það sé ekki samband þarna, einnig gerum við okkur grein fyrir því að fólk á leiðinni upp eftir er ekki að “hanga” í símanum. Við erum eingöngu og reyna að koma mikilvægum upplýsingum út í samfélagið,“ segir í stöðuuppfærslu lögreglunnar.

Mikill fjöldi fólks hefur lagt leið sína að eldgosinu yfir helgina og er ljóst að áhugi fólks er mikill. Þá hafa margir freistað þess að bera gosið augum að næturlagi en samkvæmt veðurspá er ekki ráðlagt að gera það í nótt. 

Eldgos í Fagradalsfjalli Almannavarnir Grindavík

Mest lesið


Fleiri fréttir

Sjá meira


×

Mest lesið