Bein útsending: Saga íslensku stjórnarskrárinnar

Kolbeinn Tumi Daðason skrifar 2. mars 2021 11:45

Ragnhildur fer yfir sögu íslensku stjórnarskrárinnar í fyrirlestri sínum í dag.

Ragnhildur Helgadóttir, prófessor og forseti samfélagssviðs HR, fjallar um sögu íslensku stjórnarskrárinnar í stafrænum þriðjudagsfyrirlestri HR og Vísis. Fyrirlesturinn hefst klukkan 12 og er reiknað með því að hann verði um klukkustund að lengd.

Hvaðan kemur íslenska stjórnarskráin? Hvað er í henni og hvernig hefur hún þróast? Hvernig reglur gilda um stjórnskipunina? Af hverju vilja margir samþykkja nýja stjórnarskrá?

Um þetta og fleira varðandi stjórnarskrá verður rætt í hádegisfyrirlestri Ragnhildar, um sögu íslensku stjórnarskrárinnar, þriðjudaginn 2. mars. Í fyrirlestrinum mun hún lýsa stjórnarskránni, fjalla um þróunina síðustu ár, meðal annars breytingar sem orðið hafa á stjórnskipuninni án þess að texta stjórnarskrárinnar hafi verið breytt og víkja stuttlega að umræðunni um stjórnarskrárbreytingar.

Fyrirlesturinn er liður í vísindafyrirlestraröð HR og Vísis og sendur út í beinu streymi.

Stjórnarskrá Háskólar Þriðjudagsfyrirlestrar HR og Vísis

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.