Bauðst til að borga táningsstúlku til að sleppa við kæru Kolbeinn Tumi Daðason skrifar 1. mars 2021 14:55 Karlmaðurinn hafði sent konunni mynd af getnaðarlimi sínum áður en hann fékk myndsendingu til baka. Vísir/Vilhelm Íslenskur karlmaður hefur verið dæmdur í fjögurra mánaða skilorðsbundið fangelsi fyrir að hafa brotið gegn blygðunarsemi táningsstúlku. Birti hann kynferðislega mynd af henni á vefsíðu ásamt nafni hennar og upplýsingum um notendanafn hennar á samfélagsmiðlinum Snapchat. Karlmaðurinn neitaði sök en var þó tilbúinn til að greiða stelpunni fyrir að draga kæru til baka og sagðist óttast að barn hans yrði tekið af honum. Karlmaðurinn var í samskiptum við stúlkuna árið 2016 og sendi hún honum þá nektarmynd af sér á Snapchat eftir ítrekaðar áskoranir þess efnis, að hennar sögn. Karlmaðurinn tók skjáskot af myndinni á síma sinn en stúlkan bað hann um að gera það ekki. Samskiptum þeirra lauk í framhaldinu. Óvænt og ljót skilaboð Það var svo í júní 2019 sem unga konan fór óvænt að fá ljót skilaboð frá karlmönnum. Vinkona hennar benti henni á vefsíðuna og þar sagðist hún hafa séð myndina af sér. Það var svo í júní 2019 sem unga konan sá myndina af sér á vefsíðu og í framhaldinu hefði hún fengið fjölda skilaboða frá körlum og þeir boðið henni greiðslu fyrir kynmök. Hún hefði farið inn á gamla notendanafn sitt á Snapchat, sem hún hafði ekki notað í langan tíma, og þar hefðu verið fullt af skilaboðum og karlmenn að reyna að vingast við hana. Nánar tiltekið hafi beðið hennar 800 vinabeiðnir frá karlmönnum. Myndin sem birt var sýndi líkama stúlku að neðanverðu nokkurn veginn upp að brjóstum. Við myndina var skrifað: Einhverjar ungar 03-06 að selja sig? Við myndina voru skrifaðar fimm athugasemdir hvort fleiri nektarmyndir væru til af stelpunni og hvort hún væri að selja sig. Hefði engum öðrum sent myndina Stúlkan leitaði til lögreglu daginn eftir og kærði karlmanninn. Hún sagðist ekki eiga myndina enda hefði hún tekið hana með Snapchat svo myndin hefði eyðst. Hún hefði engum öðrum sent myndina. Hún lýsti því að hafa sett sig í samband við ákærða sem hefði neitað að hafa sett myndina inn. Í september 2019 hefði hann hins vegar haft samband við hana og beðið hana um að draga kæruna til baka. Fyrir það væri hann tilbúinn að greiða 50 þúsund krónur. Hún sagðist hafa verið meðvirk, fundið til með honum og svo hefði það farið alveg með hana þegar hann fór að tala um að vegna málsins yrði dóttir hans tekin af honum. Hún hefði farið til lögreglu í þeim tilgangi en henni tjáð að það væri ekki undir henni komið. Í framhaldinu hefði hann ítrekað hringt í hana úr leyninúmeri en hún ekki svarað. Eini sinni hefði hún svarað en skellt á. Hann hefði þá hringt úr venjulegu númeri og sent SMS. Hún sagðist hafa fengið sér nýtt símanúmer vegna þessa. Unga konan sagði atvikið hafa haft mikil áhrif á hana, hún hafi einangrað sig, vantreyst fólki og upplifað áreiti eftir birtingu myndarinnar. IP-talan lykilsönnunargagn Lögreglumaður sem rannsakaði málið komst að því að IP-tala þess sem setti myndina inn á síðuna var í eigu ákærða. Sömuleiðis hefðu fjórar athugasemdir af fimm við myndina verið settar inn af sömu IP-tölu. Karlmaðurinn sagðist hafa haldið partý kvöldið sem myndin var sett inn á síðuna og hvaða gestur í partýinu sem er hefði getað farið í tölvu hans eða notað nettenginguna og hlaðið upp myndinni. Hann hafði þó ekki skýringar á dagsetningunum þegar athugasemdir voru skrifaðar við myndina, sem sneru að ósk um fleiri nektarmyndir, sem voru úr sömu IP-tölu. Aðspurður hvers vegna hann hefði boðist til að greiða konunni peninga, sálfræðiþjónustu eða styrkja Stígamót ef hann hefði ekkert gert sagðist hann hljóta að hafa gert eitthvað á hennar hlut. Honum væri mikið í mun að losna undan kærunni. Þessar skýringar taldi dómurinn ekki trúverðugar. Ekki heldur skýringar um að tölva hans hefði verið hökkuð og sími hans ekki skilað sér úr viðgerð. Framburður ungu konunnar var stöðugur frá upphafi varðandi aðalatriði. Hún kærði málið til lögreglu um leið og hún sá myndina á vefsíðunni árið 2019 og ræddi við ákærða. Nafn hennar og notendanafn á Snapchat fylgdu myndinni. Þannig taldi dómurinn óumdeilt að sá sem setti myndina á síðuna gerði ráð fyrir að myndin væri af henni eða vildi tengja hana við konuna. Taldi dómurinn sannað að um mynd af ungu konunni var að ræða og sömuleiðis að ákærði hefði sett myndina inn ásamt texta. Brotið var talið varða 209. grein almennra hegningarlaga sem fjallar um lostug athæfi sem særi blygðunarsemi manna eða eru til opinbers hneykslis. Þótti fjögurra mánaða skilorðsbundið fangelsi hæfileg refsing fyrir manninn auk 350 þúsund króna miskabótagreiðslu til ungu konunnar. Kynferðisofbeldi Samfélagsmiðlar Dómsmál Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Vill að Færeyjar fái nýjan flugvöll Erlent Lýsisskip strandaði í Fáskrúðsfirði Innlent Ísland að tapa í slagnum um ferðamenn Innlent Voru sérstaklega varaðir við árás frá ISKP Erlent Umfangsmikið verkefni að hreinsa til eftir slysið Erlent Átta ára stúlka sú eina sem lifði rútuslys af Erlent Nærri fjörutíu taldir af eftir loftárásir Ísraela á Sýrland Erlent Hvessir víðast hvar síðdegis Veður Fleiri fréttir Ákærður fyrir leynilega nektarmynd í Nauthólsvík Hádegisfréttir Bylgjunnar Hviður allt að 35 metrar á sekúndu og hætt við sandfoki „Þetta er dagurinn til að skella sér á skíði“ Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Sjá meira
Karlmaðurinn neitaði sök en var þó tilbúinn til að greiða stelpunni fyrir að draga kæru til baka og sagðist óttast að barn hans yrði tekið af honum. Karlmaðurinn var í samskiptum við stúlkuna árið 2016 og sendi hún honum þá nektarmynd af sér á Snapchat eftir ítrekaðar áskoranir þess efnis, að hennar sögn. Karlmaðurinn tók skjáskot af myndinni á síma sinn en stúlkan bað hann um að gera það ekki. Samskiptum þeirra lauk í framhaldinu. Óvænt og ljót skilaboð Það var svo í júní 2019 sem unga konan fór óvænt að fá ljót skilaboð frá karlmönnum. Vinkona hennar benti henni á vefsíðuna og þar sagðist hún hafa séð myndina af sér. Það var svo í júní 2019 sem unga konan sá myndina af sér á vefsíðu og í framhaldinu hefði hún fengið fjölda skilaboða frá körlum og þeir boðið henni greiðslu fyrir kynmök. Hún hefði farið inn á gamla notendanafn sitt á Snapchat, sem hún hafði ekki notað í langan tíma, og þar hefðu verið fullt af skilaboðum og karlmenn að reyna að vingast við hana. Nánar tiltekið hafi beðið hennar 800 vinabeiðnir frá karlmönnum. Myndin sem birt var sýndi líkama stúlku að neðanverðu nokkurn veginn upp að brjóstum. Við myndina var skrifað: Einhverjar ungar 03-06 að selja sig? Við myndina voru skrifaðar fimm athugasemdir hvort fleiri nektarmyndir væru til af stelpunni og hvort hún væri að selja sig. Hefði engum öðrum sent myndina Stúlkan leitaði til lögreglu daginn eftir og kærði karlmanninn. Hún sagðist ekki eiga myndina enda hefði hún tekið hana með Snapchat svo myndin hefði eyðst. Hún hefði engum öðrum sent myndina. Hún lýsti því að hafa sett sig í samband við ákærða sem hefði neitað að hafa sett myndina inn. Í september 2019 hefði hann hins vegar haft samband við hana og beðið hana um að draga kæruna til baka. Fyrir það væri hann tilbúinn að greiða 50 þúsund krónur. Hún sagðist hafa verið meðvirk, fundið til með honum og svo hefði það farið alveg með hana þegar hann fór að tala um að vegna málsins yrði dóttir hans tekin af honum. Hún hefði farið til lögreglu í þeim tilgangi en henni tjáð að það væri ekki undir henni komið. Í framhaldinu hefði hann ítrekað hringt í hana úr leyninúmeri en hún ekki svarað. Eini sinni hefði hún svarað en skellt á. Hann hefði þá hringt úr venjulegu númeri og sent SMS. Hún sagðist hafa fengið sér nýtt símanúmer vegna þessa. Unga konan sagði atvikið hafa haft mikil áhrif á hana, hún hafi einangrað sig, vantreyst fólki og upplifað áreiti eftir birtingu myndarinnar. IP-talan lykilsönnunargagn Lögreglumaður sem rannsakaði málið komst að því að IP-tala þess sem setti myndina inn á síðuna var í eigu ákærða. Sömuleiðis hefðu fjórar athugasemdir af fimm við myndina verið settar inn af sömu IP-tölu. Karlmaðurinn sagðist hafa haldið partý kvöldið sem myndin var sett inn á síðuna og hvaða gestur í partýinu sem er hefði getað farið í tölvu hans eða notað nettenginguna og hlaðið upp myndinni. Hann hafði þó ekki skýringar á dagsetningunum þegar athugasemdir voru skrifaðar við myndina, sem sneru að ósk um fleiri nektarmyndir, sem voru úr sömu IP-tölu. Aðspurður hvers vegna hann hefði boðist til að greiða konunni peninga, sálfræðiþjónustu eða styrkja Stígamót ef hann hefði ekkert gert sagðist hann hljóta að hafa gert eitthvað á hennar hlut. Honum væri mikið í mun að losna undan kærunni. Þessar skýringar taldi dómurinn ekki trúverðugar. Ekki heldur skýringar um að tölva hans hefði verið hökkuð og sími hans ekki skilað sér úr viðgerð. Framburður ungu konunnar var stöðugur frá upphafi varðandi aðalatriði. Hún kærði málið til lögreglu um leið og hún sá myndina á vefsíðunni árið 2019 og ræddi við ákærða. Nafn hennar og notendanafn á Snapchat fylgdu myndinni. Þannig taldi dómurinn óumdeilt að sá sem setti myndina á síðuna gerði ráð fyrir að myndin væri af henni eða vildi tengja hana við konuna. Taldi dómurinn sannað að um mynd af ungu konunni var að ræða og sömuleiðis að ákærði hefði sett myndina inn ásamt texta. Brotið var talið varða 209. grein almennra hegningarlaga sem fjallar um lostug athæfi sem særi blygðunarsemi manna eða eru til opinbers hneykslis. Þótti fjögurra mánaða skilorðsbundið fangelsi hæfileg refsing fyrir manninn auk 350 þúsund króna miskabótagreiðslu til ungu konunnar.
Kynferðisofbeldi Samfélagsmiðlar Dómsmál Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Vill að Færeyjar fái nýjan flugvöll Erlent Lýsisskip strandaði í Fáskrúðsfirði Innlent Ísland að tapa í slagnum um ferðamenn Innlent Voru sérstaklega varaðir við árás frá ISKP Erlent Umfangsmikið verkefni að hreinsa til eftir slysið Erlent Átta ára stúlka sú eina sem lifði rútuslys af Erlent Nærri fjörutíu taldir af eftir loftárásir Ísraela á Sýrland Erlent Hvessir víðast hvar síðdegis Veður Fleiri fréttir Ákærður fyrir leynilega nektarmynd í Nauthólsvík Hádegisfréttir Bylgjunnar Hviður allt að 35 metrar á sekúndu og hætt við sandfoki „Þetta er dagurinn til að skella sér á skíði“ Ógnaði dyraverði skemmtistaðar með hníf Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Sjá meira