Viðskipti innlent

Um þrjú hundruð fjar­fundir á staf­rænum Há­skóla­degi

Atli Ísleifsson skrifar
Háskóladagurinn var fyrst haldinn árið 2004 og verður nú haldinn í 17. sinn.
Háskóladagurinn var fyrst haldinn árið 2004 og verður nú haldinn í 17. sinn. Háskóladagurinn

Um þrjú hundrið fjarfundir verða haldnir á hinum árlega Háskóladegi um næstu helgi þar sem fólki gefst færi á að kynna sér grunnnám allra háskóla í landinu.

Háskóladagurinn fer fram á laugardaginn milli kl 12 og 16 en hann verður alfarið á netinu að þessu sinni vegna ástandsins í samfélaginu.

Frá þessu segir í tilkynningu og segir að Háskóladagurinn hafi í hátt á annan áratug verið einn mikilvægasti vettvangur landsmanna við að kynna sér það háskólanám sem í boði verður.

Nýr vefur Háskóladagsins var nýlega opnaður þar sem lesa má um fjarfundina sem í boði verða. Munu áhugasamir þar geta spurt spurninga um námið og spjallað við fulltrúa háskólanna, nemendur og kennara.

Háskóladagurinn er árvisst samstarfsverkefni allra sjö háskóla landsins þar sem þeir kynna námsbrautir sínar fyrir verðandi háskólanemum. Háskóladagurinn var fyrst haldinn árið 2004 og verður nú haldinn í sautjánda sinn.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×