Viðskipti innlent

Ráðin til að leiða sögu- og tækni­sýningu Orku­veitunnar

Atli Ísleifsson skrifar
Birna Bragadóttir hefur verið ráðin forstöðukona Elliðaárstöðvar.
Birna Bragadóttir hefur verið ráðin forstöðukona Elliðaárstöðvar. OR

Birna Bragadóttir hefur verið ráðin til þess að leiða sögu- og tæknisýningu Orkuveitu Reykjavíkur sem opna mun í Elliðaárdal undir merkjum Elliðaárstöðvar síðar á árinu. Alls sóttu 170 manns um stöðuna.

Í tilkynningu segir að Birnabúi yfir mikilli reynslu sem ráðgjafi og stjórnandi og muni gegna starfi forstöðumanns sýningarinnar sem hugsuð sé fyrir fólk á öllum aldri.

„Birna er með MBA próf frá Háskólanum í Reykjavík og hefur starfað sem stjórnendaráðgjafi bæði fyrir Capacent og nú síðast hjá fyrirtækinu Befirst. Birna var framkvæmdarstjóri Sandhotel og starfaði við uppbyggingu þess glæsilega hótels við Laugaveg. 

Birna starfaði jafnframt um langt skeið við mannauðs-, þjónustu og starfsþróunarmál hjá bæði Icelandair og OR,“ segir í tilkynningunni.

Vistaskipti Orkumál Söfn Reykjavík


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið