Innlent

Sjálf­bærni, sam­keppni og stjórnar­skrár­frum­varp Katrínar á Sprengisandi

Vésteinn Örn Pétursson skrifar
Sprengisandur hefst klukkan 10.
Sprengisandur hefst klukkan 10.

Þjóðmálaþátturinn Sprengisandur er í beinni útsendingu á Bylgjunni og hér á Vísi frá klukkan tíu til tólf á sunnudögum.

Fyrsti gestur Kristjáns Kristjánssonar í dag er Jón Páll Baldvinsson, formaður FETAR, sem er félag fyrirtækja sem sérhæfa sig í ferðaþjónustu inn á hálendið allt árið. Hann ætlar að gera grein fyrir andstöðu félagsins við frumvarp um miðhálendisþjóðgarð.

Þá ætlar Páll Gunnar Pálsson, forstjóri Samkeppniseftirlitsins, að velta fyrir sér samkeppni í kreppu, sem oft er ýtt til hliðar á erfiðum tímum. Rannsóknir sýna þó að samkeppni er af hinu góða þegar harðnar í ári.

Þá takast fulltrúar þingheims á um stjórnarskrárfrumvarp Katrínar Jakobsdóttur forsætisráðherra. Ólafur Þór Gunnarsson, samflokksmaður hennar í VG, telur að frumvarpið geti skapað víðtæka sátt. Þingkonurnar Helga Vala Helgadóttir og Hanna Katrín Friðriksson ræða málið við hann.

Þá mun Bjarni Herrera, fyrrum framkvæmdastjóri CIRCULAR Solutions og nú Senior Manager hjá KPMG, skýra hvar Íslendingar geta gert betur í sjálfbærnivæðingu.

Í spilaranum hér að ofan má hlusta á þáttinn. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.